അഖിലയുടെ മതം മാറ്റിയുള്ള വിവാഹം: വിവരങ്ങള്‍ എന്‍ഐഎയുമായി പങ്കുവെക്കണമെന്ന് കേരള സര്‍ക്കാരിന് സുപ്രിം കോടതിയുടെ നിര്‍ദ്ദേശം

 

വൈക്കം സ്വദേശി അഖിലയുടെ ഇസ്ലാമിലേക്ക് മാറിയ ശേഷമുള്ള വിവാഹം റദ്ദാക്കിയ കേസില്‍ അന്വേഷണ വിവരങ്ങള്‍ എന്‍ഐഎയുമായി പങ്കുവെക്കണമെന്ന് സുപ്രീം കോടതി കേരള സര്‍ക്കാരിനോട് ആവശ്യപ്പെട്ടു. കേസില്‍ എന്‍ഐഎ അന്വേഷണം വേണമോയെന്ന് കാര്യത്തില്‍ പിന്നീട് തീരുമാനമറിയിക്കും.

അന്വേഷണ വിവരങ്ങള്‍ പങ്കുവെക്കുന്നതിനെ എതിര്‍ത്ത അഭിഭാഷകന് കോടതിയുടെ വിമര്‍ശനം. വിവാഹം റദ്ദാക്കിയ ഹൈക്കോടതി വിധിക്കെതിരെ ഹാദിയയുടെ ഭര്‍ത്താവാണ് സുപ്രീം കോടതിയെ സമീപിച്ചത്.
ഹാദിയ കേസ് കേന്ദ്ര ഏജന്‍സി അന്വേഷിക്കണമെന്ന് കേന്ദ്രസര്‍ക്കാര്‍ സുപ്രീം കോടതിയില്‍ ആവശ്യപ്പെട്ടിരുന്നു. സിബിഐ അല്ലങ്കില്‍ എന്‍ഐഎ കേസ് അന്വേഷിക്കണമെന്നാണ് കേന്ദ്രസര്‍ക്കാര്‍ നിലപാട്. സുപ്രീം കോടതിയിലാണ് കേന്ദ്രം ഇക്കാര്യം അറിയിച്ചത്. എന്‍ഐഎയുടെയും സിബിഐയുടെയും ഉദ്യോഗസ്ഥര്‍ അടങ്ങിയ സംയുക്ത സമിതി കേസ് അന്വേഷിക്കണം. കേരളാ പോലീസിന്റെ കൈവശമാണ് കേസുമായി ബന്ധപ്പെട്ട രേഖകളെന്നും കേന്ദ്രം വ്യക്തമാക്കിയിരുന്നു.

ഹാദിയ, ഷെഫിന്‍ ദമ്പതികളുടെ വിവാഹം അസാധുവാക്കി കേരള ഹൈക്കോടതി ഉത്തരവിട്ടിരുന്നു. വിവാഹത്തിന് യുവതിയുടെ കൂടെ രക്ഷാകര്‍ത്താവായി പോയ സ്ത്രീക്കും ഭര്‍ത്താവിനും വിവാഹം നടത്തികൊടുക്കാനുള്ള അധികാരമില്ല, യുവതിയെ കാണാനില്ലെന്ന് ഹേബിയസ് കോര്‍പ്പസ് കേസ് നടന്നുകൊണ്ടിരിക്കുന്ന സമയത്താണ് വിവാഹം നടന്നത് എന്നീ കാര്യങ്ങള്‍ ചൂണ്ടിക്കാട്ടിയാണ് ഹൈക്കോടതി വിവാഹം അസാധുവാക്കിയത്.

 

അഭിപ്രായങ്ങള്‍

You might also like More from author