ഫ്ലാറ്റിലെത്തിയ യുവതിയെ പീഡിപ്പിക്കാന്‍ ശ്രമിച്ചുവെന്ന കേസ് : ഉണ്ണി മുകുന്ദനോട് നേരിട്ട് കോടതിയില്‍ ഹാജരാവാന്‍ ഉത്തരവ്

 

കൊച്ചി; ഫ്‌ലാറ്റിലെത്തിയ യുതിയെ പീഡിപ്പിക്കാന്‍ ശ്രമിച്ചെന്ന കേസില്‍ ഉണ്ണി മുകുന്ദനോട് നേരിട്ട് കോടതിയില്‍ ഹാജരാകാന്‍ കോടതി ഉത്തരവ്. പുതിയ സിനിമയുടെ കഥ പറയുന്നതിന് വേണ്ടി ഉണ്ണി മുകുന്ദന്റെ ഫ്‌ളാറ്റിലെത്തിയ തന്നെ താരം പീഡിപ്പിക്കാന്‍ ശ്രമിച്ചതായി കോട്ടയം സ്വദേശിനി നല്‍കിയ പരാതിയുടെ മേലാണ് നടന്‍ നേരിട്ട് ഹാജരാകണമെന്ന് കോടതി ഉത്തരവിട്ടത്. ജൂണ്‍ അഞ്ചിന് ഹാജാരാക്കാനാണ് ഉണ്ണി മുകുന്ദന് കോടതി നിര്‍ദേശം നല്‍കിയിരിക്കുന്നത്. എറണാകുളം ചീഫ് ജുഡീഷ്യല്‍ മജിസ്ട്രേട്ട് കോടതിയാണ് ഇതു സംബന്ധിച്ച് ഉത്തരവിട്ടത്.

കേസില്‍ കോടതി നേരെത്ത തന്നെ പരാതിക്കാരിയുടെ മൊഴി രേഖപ്പെടുത്തിയിരുന്നു. പുതിയ സിനിമയുടെ കഥ പറയുന്നതിന് വേണ്ടി ഉണ്ണി മുകുന്ദന്റെ ഫ്‌ളാറ്റിലെത്തിയ തന്നെ താരം പീഡിപ്പിക്കാന്‍ ശ്രമിച്ചതായി കോട്ടയം സ്വദേശിനിയാണ് പരാതി നല്‍കിയത്. ഉണ്ണി മുകുന്ദന്‍ തന്നെ അപകീര്‍ത്തിപ്പെടുത്താനും ഭീഷണിപ്പെടുത്താനും ശ്രമിച്ചതായി യുവതി കോടതിയെ അറിയിച്ചിട്ടുണ്ട്. രണ്ട് സാക്ഷികളേയും യുവതിയേയും കോടതി വിസ്തരിച്ചിരുന്നു.

സംഭവത്തില്‍ യുവതിയുടെ പരാതി വ്യാജമാണെന്ന് ചൂണ്ടിക്കാ ട്ടി നടന്‍ ഉണ്ണി മുകുന്ദനും പരാതി നല്‍കിയിട്ടുണ്ട്. തന്നെ കേസില്‍ കുടുക്കാതിരിക്കാന്‍ 25 ലക്ഷം രൂപ യുവതി ആവശ്യപ്പെട്ടതായി ഉണ്ണി മുകുന്ദന്‍ പരാതിയില്‍ പറയുന്നു. നിലവില്‍ ഉണ്ണി മുകുന്ദന്‍ കേസില്‍ ജാമ്യത്തിലാണ്.

അഭിപ്രായങ്ങള്‍

Comments are closed, but trackbacks and pingbacks are open.