പന്തളം നഗരസഭയില് ഭരണത്തകര്ച്ചയെന്ന് ആരോപിച്ച് യുവജന മാര്ച്ച് നടത്തിയ ഡിവൈഎഫ്ഐയെ പരിഹസിച്ച് സന്ദീപ് വചസ്പതി. പന്തളം നഗരസഭ ഉണ്ടായ 2015 മുതല് ഭരണം നടത്തിയത് സിപിഎമ്മാണെന്നിരിക്കേ വെറും രണ്ട് മാസം മുന്പ് ഭരണത്തില് കയറിയ ബിജെപിക്കെതിരെ ഇത്തരമൊരു ആരോപണം ഉന്നയിക്കാന് ഇവന്മാര്ക്ക് എത്ര മാത്രം ഉളുപ്പില്ലായ്മ ഉണ്ടാകണം എന്ന് ജനാധിപത്യ കേരളം ചിന്തിക്കണമെന്ന് സന്ദീപ് ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റ് ഇങ്ങനെ:
പന്തളം നഗരസഭ ഉണ്ടായ 2015 മുതല് ഭരണം നടത്തിയത് സിപിഎമ്മാണ്. ബിജെപി ഭരണം ഏറ്റെടുത്തിട്ട് 2 മാസം തികച്ചായിട്ടില്ല. എന്നിട്ടും ഇങ്ങനെ ഒരു പോസ്റ്റര് പന്തളത്ത് പതിക്കണം എങ്കില് ഇവന്മാര്ക്ക് എത്ര മാത്രം ഉളുപ്പില്ലായ്മ ഉണ്ടാകണം എന്ന് ജനാധിപത്യ കേരളം ചിന്തിക്കണം. ഇങ്ങനെ ഒക്കെയാണ് സിപിഎം ഉപ്പു വെച്ച കലം പോലെ ആയത്.
Discussion about this post