റെക്കോര്‍ഡുകള്‍ തകര്‍ത്തെറിഞ്ഞ് ഇന്ത്യന്‍ ഓഹരിവിപണി. ഓട്ടോ , ബാങ്കിംഗ് , ഐടി ഓഹരികളിലുണ്ടായ കുതിപ്പില്‍ വ്യാപാരം അവസാനിച്ചപ്പോള്‍ മുംബൈ ഓഹരി വിപണിയായ സെന്‍സെക്സ് 184 പോയിന്റ് ഉയര്‍ന്ന് 39,056 എന്ന ചരിത്രത്തിലെ ഏറ്റവും ഉയര്‍ന്ന ക്ലോസിംഗ് പോയിന്റ് രേഖപ്പെടുത്തി.
ഓഹരി വിപണിയായ നിഫ്റ്റി 0.40 ശതമാനം ഉയര്‍ന്ന് 11,713 പോയിന്റില്‍ ക്ലോസ് ചെയ്തു . നിഫ്റ്റിയുടെ ചരിത്രത്തിലെ രണ്ടാമത്തെ ഏറ്റവുമുയര്‍ന്ന ക്ലോസിംഗ് ആണിത് .
ജിഎസ്ടി വരുമാനത്തില്‍ കഴിഞ്ഞ മാസം വന്‍ വളര്‍ച്ച കൈവരിച്ചതും . റിസര്‍വ് ബാങ്കിന്റെ പണനയ അവലോകന യോഗത്തില്‍ പലിശ നിരക്കുകളില്‍ കുറവ് വരുത്തിയേക്കുമെന്ന സൂചനയുമാണ് ഓഹരിവിപണിയിലെ ചരിത്രനേട്ടത്തിന് പ്രധാനകാരണമായത്. യുഎസ് – ചൈന വ്യാപാരക്കരാറുമായി ബന്ധപ്പെട്ട ചര്‍ച്ചകളിലെ പുരോഗതിയും ഇന്ത്യന്‍ മൂലധന വിപണിയിലേക്ക് വിദേശ നിക്ഷേപ വരവില്‍ വര്‍ധനയും ഓഹരിവിപണിയുടെ നേട്ടത്തെ സ്വാധീനിച്ചു .
Discussion about this post