സന്തോഷ്‌ ട്രോഫിയില്‍ നാണംകെട്ട് കേരളം . നിലവിലെ ചാമ്പ്യന്മാരായ കേരളം യോഗ്യത റൗണ്ട് പോലും കടക്കാതെ പുറത്തായി . ഗ്രൂപ്പ് ബിയിലെ അവസാന മത്സരത്തില്‍ എതിരില്ലാത്ത ഒരു ഗോളിന് സര്‍വീസസിനോട് പരാജയപ്പെടുകയായിരുന്നു .
ഇത്തവണത്തെ ടൂര്‍ണമെന്റില്‍ ഒരു ഗോള്‍ പോലും എതിര്‍ വലയിലെത്തിക്കാന്‍ കഴിയാതെയാണ് കേരളം തിരികെ നാട്ടിലേക്ക് മടങ്ങുന്നത് . പുതുച്ചേരി , തെലങ്കാന എന്നീ ടീമുകള്‍ക്ക് എതിരെയുള്ള മത്സരത്തില്‍ ഗോള്‍രഹിത സമനിലയായിരുന്നു .
ഗോള്‍രഹിതമായ ആദ്യപകുതിയ്ക്ക് ശേഷം 63-ാം മിനിറ്റിലാണ് സര്‍വീസ് വിജയഗോള്‍ നേടിയത് . വികാസ് ഥാപ്പയാണ് ഗോള്‍ നേടിയത് . ഇതിനിടയില്‍ പ്രതിരോധ നിരയിലെ താരം അലക്സ് സാജി ചുവപ്പ് കാര്‍ഡ് കണ്ട് പുറത്താകുകയും കേരളം പത്ത് പേരിലേക്ക് ചുരുങ്ങുകയും ചെയ്തു .
വിജയത്തോടെ സര്‍വീസസ് ഫൈനല്‍ റൗണ്ടിലേക്ക് കടന്നു . ആറു പോയിന്റ് നേടി ഒന്നാംസ്ഥാനക്കാരായിട്ടാണ് സര്‍വീസ് ഫൈനലില്‍ പ്രവേശിക്കുന്നത് . തെലങ്കാന അഞ്ച് പോയിന്റ് നേടി രണ്ടാം സ്ഥാനത്തും പുതുച്ചേരി – കേരള രണ്ട് പോയിന്റും നേടി .
Discussion about this post