ബിഷപ്പിനെ അറസ്റ്റ് ചെയ്യാത്തതില്‍ സര്‍ക്കാരിനെതിരെ പ്രതിഷേധം ശക്തം: അറസ്റ്റ് സംബന്ധിച്ച് ഇന്ന് തീരുമാനമുണ്ടാകും, ചോദ്യം ചെയ്യല്‍ തുടരും

രണ്ട് ദിവസം ചോദ്യം ചെയ്തിട്ടും ബിഷപ്പിനെ ചോദ്യം ചെയ്യാത്തതില്‍ ജനകീയ പ്രതിഷേധം ഉയരുന്നു. ഉന്നതരുടെ സമര്‍ദ്ദം മൂലമാണ് അറസ്‌ററ് വൈകുന്നതെന്ന ആരോപണമാണ് ശക്തമായത്. സമരപന്തലില്‍ ഉള്ളവര്‍ ഇന്നലെ അറസ്റ്റ് നടക്കാത്തതില്‍ പ്രതിഷേധിച്ച് പന്തം കൊളുത്തി പ്രകടനം നടത്തി. അറസ്‌ററ് ചെയ്യാത്തതിലൂടെ സര്‍ക്കാര്‍ സമൂഹത്തെ അപമാനിക്കുകയാണെന്ന് കന്യാസ്ത്രീകള്‍ ആരോപിച്ചു. സമരം ശക്തമാക്കാനാണ് കന്യാസ്ത്രീകളുടെ തീരുമാനം. വലിയ ആള്‍ക്കൂട്ടമാണ് അറസ്‌ററ് നടന്നില്ല എന്ന വാര്‍ത്ത പുറത്തു വന്നതിന് പിന്നാലെ ഹൈക്കോടതിയ്ക്ക് മുമ്പിലെ സമരപന്തലില്‍ എത്തിയത്. അറസ്റ്റ് ഉണ്ടാകുമെന്ന് രാവിലെ മുതല്‍ അന്വേഷണ ഉദ്യോഗസ്ഥര്‍ പറഞ്ഞെങ്കിലും അവസാനം ഇന്ന് അറസ്‌ററ് വേണ്ടെന്ന് തീരുമാനിക്കുകയായിരുന്നു. സര്‍ക്കാര്‍ തലത്തിലുള്ള ഇടപെടലാണ് അറസ്റ്റ ്തടഞ്ഞതെന്നാണ് പ്രതിഷേധക്കാര്‍ പറയുന്നത്.

മൊഴികളിലെ വൈരുദ്ധ്യങ്ങള്‍ ചര്‍ച്ച ചെയ്ത് വ്യക്തത വരുത്തിയ ശേഷം മാത്രമേ അറസ്റ്റിലേക്ക് കടക്കാനാകൂ എന്ന നിലപാടിലാണ് അന്വേഷണസംഘം. ഫ്രാങ്കോ മുളയ്ക്കലിനെ ഇന്ന് വീണ്ടും ചോദ്യം ചെയ്യും.
ശേഷവും മൊഴികളിലെ വ്യക്തത കുറവാണ് അറസ്റ്റിന് തടസമായി അന്വേഷണസംഘം ചൂണ്ടിക്കാട്ടുന്നത്.അന്വേഷണം പൂര്‍ത്തിയാക്കി മാത്രമേ അറസ്റ്റിലേക്ക് കടക്കാനാകൂ എന്നാണ് പൊലീസ് നിലപാട്.
എന്നാല്‍ പൊലീസിന് നേരത്തെ ലഭിച്ച തെളിവുകളുമായി പൊരുത്തപ്പെടുന്ന ചില വിവരങ്ങളും ബിഷപ്പില്‍ നിന്ന് ലഭിച്ചിട്ടുണ്ട്.ഇക്കാര്യങ്ങളില്‍ ചോദ്യം ചെയ്യലില്‍ വ്യക്തത വരുമെന്നാണ് അന്വേഷണ സംഘത്തിന്റെ പ്രതീക്ഷ.

ഇന്നലെ രാത്രി ഐജിയുടെ നേതൃത്വത്തില്‍ ചേര്‍ന്ന യോഗത്തില്‍ മൊഴികള് വിശദ പരിശോധനയ്ക്ക് വിധേയമാക്കിയിട്ടുണ്ട്.ഇതോടൊപ്പം തെളിവുകളും വിശകലനം ചെയ്ത് ഉച്ചയോടെ അറസ്റ്റിന്റെ കാര്യത്തില്‍ തീരുമാനം ഉണ്ടാകുമെന്നാണ് സൂചന.ബിഷപ്പിനെ അറസ്റ്റ് ചെയ്യുന്നതില്‍ നിയമ തടസ്സമില്ലെന്ന് പ്രോസിക്യൂഷന്‍ ഡയറക്ടര്‍ ജനറലിന്റെ നിയമ ഉപദേശവും അന്വേഷണ സംഘത്തിന് ഇന്നലെ ലഭിച്ചിരുന്നു.