വാഷിംഗ്ടണ്‍: യെമനില്‍ യുഎസ് പൈലറ്റില്ലാ വിമാനങ്ങള്‍ നടത്തിയ ആക്രമണത്തില്‍ അറേബ്യ ഉപദ്വീപിലെ അല്‍ഖ്വയ്ദ (എക്യുഎപി) നേതാവ് നാസര്‍ ബിന്‍ അലി അല്‍ അന്‍സി കൊല്ലപ്പെട്ടതായി റിപ്പോര്‍ട്ട്. വീഡിയോ സന്ദേശത്തിലൂടെ എക്യുഎപി വക്താവ് ഇക്കാര്യം സ്ഥിരീകരിച്ചിട്ടുണ്ട്. അതേ സമയം യുഎസ് വ്യോമാക്രമണത്തില്‍ തന്നെയാണോ അന്‍സി കൊല്ലപ്പെട്ടതെന്നു യുഎസ് വ്യക്തമാക്കിയിട്ടില്ല.
അല്‍ഖ്വയ്ദയുടെ അറേബ്യന്‍ ഉപഭൂഖണ്ഡത്തിലെ ഏറ്റവും മുതിര്‍ന്ന നേതാവാണു നാസര്‍ ബിന്‍ അലി അല്‍ അന്‍സി.
കഴിഞ്ഞ ജനുവരിയില്‍ പാരീസില്‍ ഷാര്‍ളി എബ്‌ദോ വാരികയ്ക്ക് നടന്ന ഭീകരാക്രമണത്തിന്റെ ഉത്തരവാദിത്വം അല്‍ഖ്വയ്ദയുടെ യെമന്‍ ശാഖ ഏറ്റെടുത്തിരുന്നു.
Discussion about this post