‘തെരഞ്ഞെടുപ്പ് പ്രചരണ പോസ്റ്ററുകളില്‍ വനിതാ സ്ഥാനാര്‍ത്ഥികള്‍ക്ക് മുഖമില്ല’-പരിഹാസവുമായി സോഷ്യല്‍ മീഡിയ

ഇസ്ലാമാബാദ്: പാകിസ്ഥാനില്‍ തെരഞ്ഞെടുപ്പു പ്രചരണ പോസ്റ്ററുകളില്‍ വനിതാ സ്ഥാനാര്‍ത്ഥികള്‍ക്ക് മുഖം ഇല്ല. പോസ്റ്ററുകളില്‍ സ്ത്രീകളുടെ ചിത്രം പതിക്കാന്‍ മടിക്കുന്നത്ര യാഥാസ്ഥിതികമാണോ പാക് സമൂഹമെന്നാണ് സ്ത്രീപക്ഷ വാദികള്‍ ഉയര്‍ത്തുന്ന ചോദ്യം. മെംബര്‍ നാഷനല്‍ അസംബ്ലിയുടെ സ്ഥാനാര്‍ത്ഥികള്‍ക്ക് വോട്ടഭ്യര്‍ത്ഥിച്ചുകൊണ്ടുള്ള പോസ്റ്ററുകളില്‍ പി.പി. 149ാം മണ്ഡലത്തില്‍ നിന്നും മത്സരിക്കുന്ന വനിതാ സ്ഥാനാര്‍ത്ഥി മേമുന ഹമീദിന്റെ മുഖമില്ലാത്തതാണ് പ്രതിഷേധങ്ങള്‍ക്കു വഴിയൊരുക്കിയിരിക്കുന്നത്.

Memoona Hamid another MNA contender for a seat in the parliament missing from her poster too.
Great representatives for women pic.twitter.com/2S9L3QatML

— Reham Khan (@RehamKhan1) July 22, 2018

‘എം.എന്‍.എയില്‍ നിന്നും പാര്‍ലമെന്റ് സീറ്റിലേക്കു മത്സരിക്കുന്ന മേമുന ഖാന്റെ മുഖവും പോസ്റ്ററുകളില്‍ കാണാനില്ല. സ്ത്രീ ശാക്തീകരണത്തിന് ഏറ്റവും യോജിച്ച പ്രതിനിധികള്‍ തന്നെ ഇവരെല്ലാം’ എന്ന സാമൂഹിക പ്രവര്‍ത്തകയും മാധ്യമപ്രവര്‍ത്തകയുമായ രെഹം ഖാന്റെ ട്വീറ്റാണ് വിഷയം ചര്‍ച്ചയാക്കിയത്. നിരവധി പേരാണ് വിഷയത്തില്‍ പ്രതികരണവുമായി എത്തിയത്.