യുവതികളെ ശബരിമലയില്‍ പ്രവേശിപ്പിക്കാന്‍ സര്‍ക്കാര്‍ സുരക്ഷ ഏര്‍പ്പെടുത്തണമെന്ന് വനിത കമ്മീഷന്‍ അധ്യക്ഷ എം.സി ജോസഫെന്‍ പ്രതികരിച്ചു. കണ്ണൂരില്‍ നിന്നും കോഴിക്കോട്ട് നിന്നുമുള്ള യുവതികള്‍ ശബരിമല ചവിട്ടാന്‍ വ്രതപ്പെടുത്തുവെന്ന വാര്‍ത്തയോട് പ്രതികരിക്കുകയായിരുന്നു എം.സി ജോസഫൈന്‍. ഇതിനിടെ കണ്ണൂരില്‍ നിന്നുള്ള രേഷ്മ നിഷാന്തിനെ പോലയുള്ളവര്‍ക്ക് ശബരിമല ചവിട്ടാന്‍ എല്ലാ സംരക്ഷണവും സര്‍ക്കാര്‍ ഒരുക്കുമെന്ന് മന്ത്രി ഇ.പി ജയരാജന്‍ വ്യക്തമാക്കി.
ഇഷ്ടമുള്ളവര്‍ക്ക് ശബരിമലയില്‍ ദര്‍ശനം നടത്താമെന്നും മന്ത്രി പറഞ്ഞു. സുപ്രീം കോടതിയുടെ ഉത്തരവ് നടപ്പില്‍ വരുത്തുക സര്‍ക്കാരിന്റെ ബാധ്യതയാണ്. അതുകൊണ്ട് തന്നെ ശബരമലയില്‍ കയറാനായി എത്തുന്ന സ്ത്രീകള്‍ക്കുള്ള എല്ലാ സംരക്ഷണവും ഒരുക്കുമെന്നും ഇ.പി ജയരാജന്‍ പറഞ്ഞു. സര്‍ക്കാര്‍ നിലപാടിനെതിരെ ബിജെപി അറിയിച്ചു. എന്നാല്‍ സര്‍ക്കാരിന് 24 മണിക്കൂര്‍ സമയം കൂടി നല്‍കുന്നുവെന്നും നട തുറക്കുന്ന 18 ന് വിശ്വാസികളുടെ നിലപാടിനൊപ്പം നില്‍ക്കുമെന്നും ബി.ജെ.പി അറിയിച്ചു.
സമരം പമ്പ, നിലയ്ക്കല്‍, എരുമേലി എന്നിവിടങ്ങളില്‍ തുടരാനാണ് ബിജെപിയുടെ തീരുമാനം.
Discussion about this post