മുംബൈ: മുംബൈയിലെ മഹിം ദര്‍ഗയിലെ ട്രസ്റ്റിയും വഖഫ് ബോര്‍ഡ് അംഗവുമായ ഡോ. മുദാസിര്‍ നിസാര്‍ ലംബെ വിവാഹ വാഗ്ദാനം നല്‍കി പീഡിപ്പിച്ചെന്ന പരാതിയുമായി ശിവസേന വനിതാ നേതാവ്. സാമൂഹിക പ്രവര്‍ത്തക കൂടിയായ 35 കാരിയാണ് നിസാര്‍ ലംബെക്കെതിരെ മഹിം സ്റ്റേഷനില്‍ പരാതി നല്‍കിയത്.
2020 ജനുവരിയിലാണ് പീഡനം നടന്നത്. മരുന്ന് നല്‍കി മയക്കിയാണ് തന്നെ പീഡിപ്പിച്ചത്. മുദാസിര്‍ നിസാര്‍ ലാംബെ തന്നെ വിവാഹ കഴിക്കാമെന്ന വാഗ്ദാനം നല്‍കിയതിനാലാണ് പരാതി നല്‍കാന്‍ വൈകിയതെന്നും ഇത് വിശ്വസിച്ച്‌ ഒക്ടോബര്‍ വരെ കാത്തിരുന്നുവെന്നും എന്നാല്‍ നിസാര്‍ ലാംബെ വിവാഹത്തിനു തയ്യാറാകാതിരുന്നതോടെയാണ് പോലീസില്‍ പരാതി നല്‍കിയതെന്നും യുവതി പറഞ്ഞു.
കേസ് നല്‍കുമെന്ന് പറഞ്ഞപ്പോള്‍ ഗുരുതരമായ പ്രത്യാഘാതങ്ങള്‍ നേരിടേണ്ടിവരുമെന്ന് നിസാര്‍ ലാംബെ ഭീഷണിപ്പേടുത്തിയതായും പരാതിയില്‍ പറയുന്നു. ബലാത്സംഗ കുറ്റം, ക്രിമിനല്‍ ഭീഷണി എന്നിവക്കാണ് കേസ് രജിസ്റ്റര്‍ ചെയ്തിട്ടുള്ളത്.
Discussion about this post