സെയ്ഫ് അലി ഖാനെ ആക്രമിച്ച കേസില്‍ പ്രതിയെന്ന് കരുതി മുംബൈ പോലീസ് അറസ്റ്റ് ചെയ്ത ഛത്തീസ്ഗഢില്‍ നിന്നുള്ള ആകാശ് കൈലാഷ് കനൗജിയയുടെ ജീവിതത്തെ ഈ സംഭവം സാരമായി ബാധിച്ചു. പ്രതിയെന്ന് തെറ്റിധരിക്കപ്പെട്ട് തടങ്കലിലായ ആകാശിന് മാത്രമല്ല വിവാഹാലോചന വരെ നഷ്ടമായി.
ജനുവരി 18 ന് മുംബൈയില്‍ നിന്ന് യാത്ര ചെയ്യവേ ദുര്‍ഗില്‍ വെച്ച് റെയില്‍വേ പ്രൊട്ടക്ഷന്‍ ഫോഴ്സ് (ആര്‍പിഎഫ്) തെറ്റിദ്ധരിച്ച് ആകാശിനെ അറസ്റ്റ് ചെയ്യുകയായിരുന്നു. ‘മുംബൈ പോലീസിന്റെ ആ ഒരു തെറ്റ് എന്റെ ജീവിതമാണ് നശിപ്പിച്ചത്. എനിക്ക് മീശ ഉണ്ടായിരുന്നത് അവര്‍ ശ്രദ്ധിച്ചില്ല, കനോജിയ വാര്‍ത്താ ഏജന്‍സിയായ പിടിഐയോട് പറഞ്ഞു.
ആകാശിന്റെ ഐഡന്റിറ്റി പ്രതിയുമായി പൊരുത്തപ്പെടുന്നില്ലെന്ന് പോലീസ് കണ്ടെത്തിയതിനെ തുടര്‍ന്നാണ് ആകാശിനെ വിട്ടയച്ചത്. എന്നിരുന്നാലും, അപ്പോഴേക്കും അദ്ദേഹത്തിന്റെ ഫോട്ടോകള്‍ ഒരു പത്രക്കുറിപ്പിലൂടെ മാധ്യമങ്ങളില്‍ പ്രചരിച്ചിരുന്നു ,
‘ഞാന്‍ എന്റെ തൊഴിലുടമയെ വിളിച്ചപ്പോള്‍, ജോലിക്ക് വരേണ്ടെന്ന് അദ്ദേഹം പറഞ്ഞു. പ്രതിശ്രുത വധുവിന്റെ കുടുംബം വിവാഹവുമായി മുന്നോട്ട് പോകാന്‍ വിസമ്മതിച്ചു’ അദ്ദേഹം കൂട്ടിച്ചേര്‍ത്തു.
‘തനിക്ക് സംഭവിച്ചത് കാരണം’ തനിക്ക് മുന്നില്‍ ഇനി ഒരു വഴിയേയുള്ളു ജോലി തേടി മുംബൈയിലെ സെയ്ഫ് അലി ഖാന്റെ വീടിന്റെ മുന്നില്‍ പോയിരിക്കുമെന്നാണ് ആകാശ് പറയുന്നത്.
Discussion about this post