തിരുവനന്തപുരം: ഉമ്മന്‍ചാണ്ടിക്ക് കുമ്മനത്തിന്റെ മറുപടി. കേരളമാകുന്ന പൂന്തോട്ടത്തിലെ കള്ളിമുള്‍ ചെടിയാണ് മുഖ്യമന്ത്രി ഉമ്മന്‍ചാണ്ടിയെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍. സംസ്ഥാനത്തെ വികസന മുരടിപ്പിന്റെയും അഴിമതിയുടെയും ഉത്തരവാദിത്തത്തില്‍നിന്ന് ഉമ്മന്‍ചാണ്ടിക്ക് ഒഴിഞ്ഞുമാറാനാവില്ലെന്നും അദ്ദേഹം പറഞ്ഞു.
കേരളമെന്ന പൂന്തോട്ടത്തിലേക്ക് വിഷവിത്ത് എറിയരുതെന്ന് ബിജെപിയോട് മുഖ്യമന്ത്രി ഉമ്മന്‍ ചാണ്ടി ഇന്നലെ ഫേസ്ബുക്ക് പേജിലൂടെ പറഞ്ഞിരുന്നു. കേരളത്തെ അപമാനിച്ചുകൊണ്ട് ബിജെപി സംസ്ഥാന അധ്യക്ഷന്‍ കുമ്മനം രാജശേഖരനും മറ്റു നേതാക്കളും നടത്തുന്ന ജല്‍പനങ്ങള്‍ അടിയന്തരമായി നിര്‍ത്തണമെന്നും ഉമ്മന്‍ ചാണ്ടി ഫെയ്‌സ്ബുക്കില്‍ പോസ്റ്റ് ചെയ്ത കുറിപ്പില്‍ ആവശ്യപ്പെട്ടു.
Discussion about this post