സത്യന് അന്തിക്കാട്-മോഹന്ലാല് കൂട്ടുകെട്ടില് പുറത്തിറങ്ങിയ മനോഹരമായ ചിത്രങ്ങളില് ഒന്നായിരുന്നു പിന്ഗാമി. 1994 ലായിരുന്നു ചിത്രം തിയേറ്ററുകളില് എത്തിയത്. എന്നാല് ചിത്രം വേണ്ടത്ര സാമ്പത്തിക വിജയം നേടിയില്ലെങ്കിലും പിന്നീടുള്ള യുവതലമുറ ചിത്രം ഏറ്റെടുത്തു. ചിത്രം അന്ന് തഴയപ്പെടാനുണ്ടായ കാരണം വെളിപ്പെടുത്തുകയാണ് സംവിധായകന് സത്യന് അന്തിക്കാട്.
തന്റെ ഈഗോയാണ് ചിത്രത്തെ തകര്ത്തതെന്ന് സത്യന് തുറന്ന് സമ്മതിക്കുന്നു. കാരണം ഇങ്ങനെ: പ്രിയദര്ശന്-മോഹന്ലാല് കൂട്ടുകെട്ടില് ഒരുങ്ങിയ തേന്മാവിന് കൊമ്പത്ത് റിലീസ് ചെയ്യുന്ന സമയത്ത് തന്നെയായിരുന്നു പിന്ഗാമിയും റിലീസ് ചെയ്യാന് തീരുമാനിച്ചിരുന്നത്. തേന്മാവിന് കൊമ്പത്തിനൊപ്പം പിന്ഗാമി റിലീസ് ചെയ്യേണ്ട എന്ന് പ്രിയന് സത്യനോട് പറഞ്ഞു. എന്നാല് തന്റെ ഈഗോ കാരണം അത് ചെവിക്കൊണ്ടില്ലെന്ന് സത്യന് വ്യക്തമാക്കുന്നു.
‘പിന്ഗാമിയുടെ റിലീസ് നീട്ടിവെക്കാന് പ്രിയന് എന്നോട് പറഞ്ഞു. എന്നാല് ഞാന് അത് കേട്ടില്ല. എന്തുകൊണ്ട് എന്റെ സിനിമ തേന്മാവിന് കൊമ്പത്തിനൊപ്പം റിലീസ് ചെയ്തുകൂടാ എന്ന് ചിന്തിച്ചു. അങ്ങനെ റിലീസ് ചെയ്തു. പക്ഷെ വര്ഷങ്ങള് കഴിഞ്ഞപ്പോള് എനിക്ക് മനസിലായി എന്റെ തീരുമാനം തെറ്റായിരുന്നെന്ന്. അന്ന് പ്രിയന് പറഞ്ഞത് കേള്ക്കേണ്ടതായിരുന്നെന്ന് പലപ്പോഴും തോന്നാറുണ്ട്’. അടുത്തിടെ ഒരു അഭിമുഖത്തില് സത്യന് അന്തിക്കാട് പറഞ്ഞു.
ഈ ചിത്രത്തിന് ശേഷം വളരെ വര്ഷങ്ങള് കഴിഞ്ഞാണ് വീണ്ടും സത്യന്-മോഹന്ലാല് കൂട്ടുകെട്ട് ഒരുമിച്ചത്. 2006 ലായിരുന്നു ഈ കൂട്ടുകെട്ട് വീണ്ടും ഒരുമിച്ചത്. രസതന്ത്രം ആയിരുന്നു ഇരുവരേയും വീണ്ടും ഒന്നിപ്പിച്ച ചിത്രം.
Discussion about this post