മോസ്കോ: അര്ജന്റീനയുടെ ഫുട്ബോൾ ഇതിഹാസം ലയണല് മെസ്സിക്കും അടുത്ത വര്ഷം റഷ്യയില് നടക്കുന്ന ലോകകപ്പ് ഫുട്ബോളിനും ഐഎസ് ഭീഷണി. ലോകകപ്പിന് ഭീഷണി ഉയര്ത്തിക്കൊണ്ട് മെസ്സിയുടെ കണ്ണിൽ നിന്ന് രക്തം ഒഴുകുന്ന ചിത്രം ഐഎസ് അനുകൂലികള് പുറത്തുവിട്ടു.
ഇസ്ലാമിക് സ്റ്റേറ്റിന്റെ വാക്താക്കളായ വഫ മീഡിയ ഫൗണ്ടേഷനാണ് ചിത്രം പുറത്തുവിട്ടതെന്ന് വിദേശ മാധ്യമങ്ങള് റിപ്പോര്ട്ട് ചെയ്തു. ലോകകപ്പിനായി റഷ്യയിലേക്കെത്തുന്ന ഫുട്ബോള് ആരാധകരെ ഭയപ്പെടുത്തുന്നതാണ് ചിത്രം. നിഘണ്ടുവില് പരാജയമില്ലാത്ത ഒരു രാഷ്ട്രത്തിനെതിരെയാണ് നിങ്ങള് യുദ്ധം ചെയ്യുന്നതെന്ന് പോസ്റ്ററില് എഴുതിയിട്ടുണ്ട്. അഴിക്ക് പിറകിൽ, കണ്ണിൽ നിന്ന് രക്തം വാർന്നൊഴുകുന്ന നിലയിൽ മെസ്സി നിൽക്കുന്ന ചിത്രമാണ് പുറത്തുവിട്ടത്.
ഐഎസ് അനുകൂലികള് പുറത്തുവിട്ട മറ്റൊരു പോസ്റ്ററില് ലോകകപ്പിന്റെ ലോഗോയോടൊപ്പം മുഖംമൂടി ധരിച്ച ഒരു ആയുധധാരി നില്ക്കുന്ന ചിത്രമാണുള്ളത്. ഇതടക്കം ഭീഷണികള് ഉയര്ത്തുന്ന നിരവധി ചിത്രങ്ങളും സാമൂഹിക മാധ്യമങ്ങളിലൂടെ പ്രചരിപ്പിച്ച് വരുന്നുണ്ട്.
അടുത്തവര്ഷം ജൂണ് 14 മുതല് ജൂലായ് 15 വരെയാണ് റഷ്യയിലെ 11 നഗരങ്ങളിലായാണ് ലോകകപ്പ് നടക്കുന്നത്.
Discussion about this post