പുതുച്ചേരി: തെന്നിന്ത്യന് താരം അമലാപോളിനെ കൂടാതെ യുവനടന് ഫഹദ് ഫാസിലും വ്യാജമേല്വിലാസം ഉപയോഗിച്ച് ആഡംബര കാര് നികുതി വെട്ടിച്ച് പുതുച്ചേരിയില് കാര് രജിസ്റ്റര് ചെയ്തതായി കണ്ടെത്തി. ആംഡബര കാറുകള് രജിസ്റ്റര് ചെയ്യുവാന് കേരളത്തില് പതിനാല് ലക്ഷം രൂപ നികുതി നല്കേണ്ടി വരുമ്പോള് പുതുച്ചേരിയില് ഒന്നരലക്ഷം രൂപ നല്കിയാല് മതി. എന്നാല് പുതുച്ചേരിയില് താമസിക്കുന്ന ആളുടെ പേരില് മാത്രമേ വാഹനം രജിസ്റ്റര് ചെയ്യാന് സാധിക്കൂ. ഈ ചട്ടമാണ് വ്യാജമേല്വിലാസം ഉപയോഗിച്ച് വാഹനം രജിസ്റ്റര് ചെയ്തത് വഴി താരങ്ങള് ദുരുപയോഗം ചെയ്തിരിക്കുന്നത്.
ഒരു സ്വകാര്യ മാധ്യമം നടത്തിയ അന്വേഷണത്തില് ഫഹദ് ഫാസില് ഉപയോഗിക്കുന്ന PY-05-9899 ആഡംബര കാര് ബെന്സ് ഇ പുതുച്ചേരി വിലാസത്തിലാണ് രജിസ്റ്റര് ചെയ്തിട്ടുള്ളതെന്ന് കണ്ടെത്തി.
ഫഹദ് ഫാസില്, നമ്പര് -16, സെക്കന്ഡ് ക്രോസ്സ് റോഡ്, പുതുപ്പേട്ട്, ലാസ്പേട്ട്, പുതുച്ചേരി എന്ന മേല്വിലാസത്തിലാണ് വാഹനം രജിസ്റ്റര് ചെയ്തിട്ടുള്ളത്.
എന്നാല് മേല്വിലാസം അന്വേഷിച്ചപ്പോള് കണ്ടെത്താനായത് ഒരു വീടിന് മുകളില് വാടകയ്ക്ക് താമസിക്കുന്ന കുടുംബത്തേയാണ്. ഫഹദ് ഫാസില് എന്നൊരാളെ തങ്ങള്ക്കറിയില്ലെന്നും ഇവര് വ്യക്തമാക്കി.
Discussion about this post