ഇസ്ലാമിക നിയമങ്ങള് അനുസരിക്കാത്തവരെ കൊന്ന് തള്ളുന്ന ഭീകര സംഘടനയായ ഐ.എസിനെ ന്യായീകരിച്ച് മലയാളത്തില് ബ്ലോഗ്. ന്യൂസ് സീക്കേര്സ് 90 എന്ന അഡ്രസില് രണ്ട് ദിവസം മുമ്പാണ് ബ്ലോഗ് നിലവില് വന്നത്. ഐ.എസിന്റെ ക്രൂരകൃത്യങ്ങളെ ന്യായീകരിക്കുന്നതാണ് ബ്ലോഗിലെ ഉള്ളടക്കം.
ന്യൂസ് സീക്കര് 90 എന്ന അഡ്രസില് കഴിഞ്ഞ 25നാണ് ബ്ലോഗ് നിലവില് വന്നത്. അന്സാറുല് ഖിലാഫ എന്ന പേരിലുള്ള ബ്ലോഗില് ഐ.എസ് അമേരിക്കന്, ഇസ്രായേല് ചാര സംഘടനകളായ സി.ഐ.എയുടെയും മൊസാദിന്റെയും സൃഷ്ടിയാണെന്നുള്ള പ്രചാരണത്തെ തള്ളുന്നുണ്ട്.. ശത്രുക്കള്ക്കെതിരെ ഐ.എസ് ഇസ്ലാമിക വിധി നടപ്പാക്കുകയാണ് ചെയ്യുന്നതെന്ന് കൊലപാതകങ്ങളെ ന്യായീകരിച്ചുകൊണ്ട് ബ്ലോഗ് വ്യക്തമാക്കുന്നു.
ഐ.എസ് തലവന് അബൂബക്കര് അല് ബാഗ്ദാദി ജൂത ചാരന് ഷിമോണ് എലിയട്ട് എന്നയാളാണ് എന്ന പ്രചാരണം ശരിയല്ലെന്നും, ഷിമോണിന്റെ് ചിത്രം മോര്ഫ് ചെയ്താണ് ബാഗ്ദാദിയാക്കിയതെന്നും ബ്ലോഗില് പറയുന്നുണ്ട്.
ഐ.എസിനെതിരെ പ്രചരിക്കുന്ന ചിത്രങ്ങള് പലതും വ്യാജമാണെന്ന് പറഞ്ഞ് പകരം യഥാര്ഥ ചിത്രങ്ങളെന്ന് വിശദീകരിച്ച് ബ്ലോഗില് നിരവധി ഫോട്ടോകളും പോസ്റ്റ് ചെയ്തിട്ടുണ്ട്. അബൂബക്കല് അല് ബാഗ്ദാദി കൊല്ലപ്പെട്ടുവെന്നതിനെ തെളിവായി പ്രചരിച്ച ചിത്രം വ്യാജമാണെന്നും ബ്ലേഗ് പറയുന്നു.
ഇറാനും സൗദിയും യു.എ.ഇയും അമേരിക്കക്കും ഇസ്രായേലിനും വേണ്ടി പ്രവര്ത്തിക്കുകയാണ്. മാധ്യമങ്ങള് ഇവരുടെ പ്രചാരകരാവുകയാണെന്നും ബ്ലോഗ് വിമര്ശിക്കുന്നു. ശവപൂജകരായ മുസ്ലിംകളും ഷിയാക്കളുമാണ് ഐ.എസിനെ എതിര്ക്കുന്നതെന്നും ബ്ലോഗില് പറയുന്നുണ്ട്.
Discussion about this post