മഹാരാജാസ് കോളേജ് വിദ്യാര്‍ത്ഥിയായിരുന്നു അഭിമന്യു കൊല്ലപ്പെട്ടതിന് ശേഷം കേസന്വേഷണത്തില്‍ സംസ്ഥാന പോലീസിന് പഴയ താല്‍പര്യമില്ലെന്ന് പിതാവ് മനോഹരന്‍ പറഞ്ഞു. കേസിലെ പ്രധാന പ്രതികള്‍ ഇപ്പോഴും ഒളിവിലാണെന്നും അദ്ദേഹം കുറ്റപ്പെടുത്തി.
കൊലപാതകം നടന്ന് അഞ്ച് മാസം കഴിഞ്ഞിട്ടും പോലീസ് ഇരുട്ടില്‍ തപ്പുകയാണെന്ന് മനോഹരന്‍ പറഞ്ഞു. അഭിമന്യുവിനെ കുത്തിയ പ്രതി സഹലിനെ പോലീസിന് ഇതുവരെ പിടികൂടാനായിട്ടില്ലെന്നും അദ്ദേഹം ചൂണ്ടിക്കാട്ടി. കേസിന്റെ പുരോഗതി കുടുംബത്തെ ആരും തന്നെ അറിയിക്കുന്നില്ലെന്നും അദ്ദേഹം കൂട്ടിച്ചേര്‍ത്തു.
അഭിമന്യും വധക്കേസിലെ കുറ്റപത്രം വിചാരണ നടപടികള്‍ക്കായി ജില്ലാ പ്രിന്‍സിപ്പല്‍ സെഷന്‍സ് കോടതിക്ക് കൈമാറിയിട്ടുണ്ട്. കേസിന്റെ വിചാരണ ഏത് കോടതിയില്‍ വേണമെന്ന തീരുമാനം പ്രിന്‍സിപ്പല്‍ സെഷന്‍സ് ജഡ്ജിയാണെടുക്കുക. കേസില്‍ പതിനാറ് പ്രതികളാണുള്ളത്. ഇതില്‍ എട്ട് പേരെയാണ് പോലീസിന് പിടിക്കാന്‍ സാധിച്ചത്. ബാക്കിയുള്ള എട്ട് പേര്‍ക്കെതിരെ പോലീസ് ലുക്കൗട്ട് നോട്ടീസ് പുറപ്പെടുവിച്ചിട്ടുണ്ട്. കേസിലെ തെളിവുകള്‍ നശിപ്പിച്ചുവെന്ന് കുറ്റപത്രത്തിലുണ്ട്.
Discussion about this post