കേന്ദ്രസര്‍ക്കാരിന്റെ സമ്മര്‍ദ്ധത്തിന് വഴങ്ങി റിസര്‍വ് ബാങ്ക് . ധനകാര്യമേഖലയില്‍ പണലഭ്യത ഉറപ്പുവരുത്താന്‍ വ്യവസ്ഥകളില്‍ ഇളവ് വരുത്താന്‍ റിസര്‍വ് ബാങ്ക് ബോര്‍ഡ് യോഗം തീരുമാനമെടുത്തു . ഇത് കൂടാതെ കൂടുതല്‍ വായ്പ ചെറുകിട ബിസിനസ് മേഖലയ്ക്ക് നല്‍കുവാനുള്ള നടപടികളും സ്വീകരിക്കാന്‍ കേന്ദ്രബാങ്ക് തയ്യാറായിട്ടുണ്ട് .
ചെറുകിട ബിസിനസ്സുകള്‍ക്ക് കൂടുതല്‍ വായ്പ അനുവടിക്കനമെന്നത് കേന്ദ്രസര്‍ക്കാറിന്റെ നീണ്ടകാലമായിട്ടുള്ള ആവശ്യമാണ്‌ . കാര്‍ഷികോല്‍പ്പനങ്ങള്‍ക്ക് ന്യായമായ വില കിട്ടാത്തതും കേന്ദ്രസര്‍ക്കാരിനെ വിഷമവൃത്തത്തിലാക്കിയിരുന്നു . ഇതിനെ തുടര്‍ന്ന് ധനകാര്യമേഖലയില്‍ പണലഭ്യത ഉറപ്പുവരുത്താന്‍ നടപടി സ്വീകരിക്കണമെന്ന് കേന്ദ്രം റിസര്‍വ് ബാങ്കിനോട് ആവശ്യപ്പെടുകയും ചെയ്തിരുന്നു . ഇതിന്റെയെല്ലാം അടിസ്ഥാനത്തിലാണ് റിസര്‍വ് ബാങ്ക് ബോര്‍ഡ് യോഗം തീരുമാനമെടുത്തിരിക്കുന്നത് .
യോഗത്തില്‍ ഉയര്‍ന്നു വന്ന നിരവധി പ്രശ്നങ്ങള്‍ക്ക് പരിഹാരമായതായി റിസര്‍വ് ബാങ്ക് ബോര്‍ഡ് അംഗം അറിയിച്ചു . കൂടാതെ റിസര്‍വ് ബാങ്കിന്റെ കരുതല്‍ ധനത്തിന്റെ ഒരു ഭാഗം കേന്ദ്രസര്‍ക്കാരിന് വിട്ടു നല്‍കുന്നത് സംബന്ധിച്ച് പഠിക്കാന്‍ ഒരു സമിതിയെ നിയോഗിക്കാനും യോഗത്തില്‍ തീരുമാനമായിട്ടുണ്ട് .
Discussion about this post