യുവാക്കള്ക്കിടയില് ഹരമായി മാറിയ പബ്ജി ഗെയ്മിന് വെല്ലുവിളി ഉയര്ത്തിക്കൊണ്ടു ഷവോമിയുടെ പുതിയ ഗെയിം രംഗപ്രവേശം ചെയ്യുന്നു . ” സര്വൈവല് ഗെയിം ” എന്നാണു പുതിയ മൊബൈല് ഗെയിമിന് ഷവോമി പേരിട്ടിരിക്കുന്നത് . കുറച്ചു നാളുകളായി ഗെയിമിന്റെ മിനുക്കുപണിയിലായിരുന്നു കമ്പനി . ഇപ്പോള് ഷവോമിയുടെ സ്വന്തം പ്ലാറ്റ്ഫോമായ മി – സ്റ്റോര് വഴിയാണ് ഗെയിം ഉപയോക്താക്കള്ക്ക് ലഭ്യമാക്കിയിരിക്കുന്നത് .
പബ്ജിയ്ക്ക് സമാനമായ രീതിയില് തന്നെയാണ് ഷവോമി പുറത്ത് ഇറക്കിയിരിക്കുന്ന ” സര്വൈവല് ” ഗെയിമും രൂപകത്പന ചെയ്തിരിക്കുന്നത് . പബ്ജിയില് ലഭ്യമായിരിക്കുന്നതില് നിന്നും വ്യത്യസ്തമായി ആയുധങ്ങളും , വാഹനങ്ങളും ഷവോമി ഉള്പ്പെടുത്തിയിരിക്കുന്നു . വിമാനത്തില് നിന്നുമാണ് പബ്ജിയില് മത്സരത്തിലേക്ക് കടക്കുന്നതെങ്കില് സര്വൈവല് ഗെയിമില് സ്പേസ് ഷിപ്പില് നിന്നുമാണ് ചാടിയിറങ്ങുന്നത് .
ഇതിനെല്ലാം പുറമേ കളിക്കാരനെ പറക്കാന് സഹായിക്കുന്ന ഉപകരണങ്ങളും , കളിയില് പല രൂപത്തിലും , പല ക്യാരക്ടര് ആയിട്ടും പ്രത്യക്ഷപ്പെടാന് സാധിക്കും .
പ്രധാനമായിട്ടും ഇന്ത്യയിലെ യുവത്വത്തെ ലക്ഷ്യമിട്ടാണ് ഇത്തരമൊരു ഗെയിം കമ്പനി നിര്മ്മിക്കുന്നതെന്ന് ഷവോമി പറഞ്ഞു . ” മത്സരസ്വഭാവമുള്ള ഗെയിമുകളോട് ഇന്ത്യക്കാര്ക്കുള്ള താത്പര്യം ഞങ്ങള് പ്രയോജനപ്പെടുത്തുകയാണ് . ഇനിയും ഗെയിമില് മിനുക്ക് പണികള് നടത്താനുണ്ട് . പബ്ജി , ഫോര്ട്ട്നൈറ്റ് പോലെയുള്ള ഭീമന്മാരെ തോല്പ്പിക്കണമെങ്കില് അത് അത്യാവശ്യമാണെന്ന് ” കമ്പനി വ്യക്തമാക്കുന്നു .
Discussion about this post