അഞ്ചാം ഏകദിനത്തില് ഓസീസിനെതിരെ ഇന്ത്യയ്ക്ക് 273 റണ്സ് വിജയലക്ഷ്യം. ടോസ് നേടി ആദ്യം ബാറ്റ് ചെയ്ത ഓസ്ട്രേലിയ നിശ്ചിത ഓവറില് 9 വിക്കറ്റ് നഷ്ടത്തില് 272 റണ്സ് സ്വന്തമാക്കി .
അഞ്ച് മത്സരങ്ങളുടെ പരമ്പരയിൽ നിലവിൽ ഇരുടീമുകളും 2-2 എന്ന നിലയിൽ സമനിലയിലാണ്.
ടോസ് നേടി ബാറ്റിങ്ങിനിറങ്ങിയ ഓസീസിന് ക്യാപ്റ്റന് ഫിഞ്ചും – ഖ്വാജയും ചേര്ന്ന് മികച്ച തുടക്കമാണ് നല്കിയത്. ഓപ്പണിങ് വിക്കറ്റില് 76 റണ്സ് ചേര്ത്ത ശേഷമാണ് ഈ കൂട്ടുകെട്ട് പിരിഞ്ഞത്. 43 പന്തുകള് നേരിട്ട് നാലു ബൗണ്ടറികളടക്കം 27 റണ്സെടുത്ത ഫിഞ്ചിനെ ജഡേജയാണ് പുറത്താക്കിയത്.
പിന്നാലെയെത്തിയ ഹാന്ഡ്സ്കോമ്പുമായി ചേര്ന്ന് ഖ്വാജ ഓസീസ് ഇന്നിങ്സ് മുന്നോട്ടു നയിച്ചു. രണ്ടാം വിക്കറ്റില് ഈ സഖ്യം 99 റണ്സ് ചേര്ത്തു. 60 പന്ത് നേരിട്ട ഹാന്ഡ്സ്കോമ്പ് നാലു ബൗണ്ടറി സഹിതം 52 റണ്സെടുത്ത് ഷമിയുടെ പന്തില് പുറത്തായി.
ഇന്ത്യൻ ബോളർമാർ ഒരു ഘട്ടത്തിൽ ഓസീസിനെ 250നു ചുവടെ ഒതുക്കുമെന്ന തോന്നുയർത്തിയതാണ്. എന്നാൽ, അവസാന ഓവറുകൾ ജൈ റിച്ചാർഡ്സനും പാറ്റ് കമ്മിൻസും ചേർന്നു നടത്തിയ കടന്നാക്രമണം സന്ദർശകരെ 270 കടത്തി.
ഇന്ത്യയ്ക്കായി ഭുവനേശ്വര് കുമാര് മൂന്നും മുഹമ്മദ് ഷമി, രവീന്ദ്ര ജഡേജ എന്നിവര് രണ്ടും വിക്കറ്റ് വീഴ്ത്തി. 10 ഓവര് എറിഞ്ഞ് 39 റണ്സ് വഴങ്ങിയ ബുംറയ്ക്ക് വിക്കറ്റൊന്നും ലഭിച്ചില്ല.
Discussion about this post