പുല്വാമ ഭീകരാക്രമണത്തില് പങ്കാളിയായ ജെയ്ഷെ ഭീകരന് അറസ്റ്റില്. ജെയ്ഷെ മുഹമ്മദ് അംഗമായ സജാദ് ഖാനാണ് അറസ്റ്റിലായത്. ഡല്ഹിയില് ഇന്നലെ രാത്രിയായിരുന്നു ഇയാള് പിടിയിലായത്. പുല്വാമ ഭീകരാക്രമണത്തിന്റെ മുഖ്യസൂത്രധാരനായ മുദാസ്സിര് അഹമ്മദ് ഖാന്റെ സഹായിയായിരുന്നു ഇയാള്. ഭീകരാക്രമണത്തിന് ശേഷം മുങ്ങിയ ഇയാള് ഡല്ഹി ചെങ്കോട്ട ഏരിയയില് കമ്പിളി പുതപ്പ് വില്പ്പനക്കാരനായി ഒളിച്ച് കഴിയുകയായിരുന്നു.
പുല്വാമ ഭീകരാക്രമണത്തിന് മുദാസ്സിര് അഹമ്മദ് ഖാന് സ്ഫോടനത്തിന് ഉപയോഗിച്ച വാനും, സ്ഫോടക വസ്തുക്കളും എത്തിച്ച് നല്കിയത് സജ്ജാദ് ഖാനാണെന്ന് പൊലീസ് അറിയിച്ചു. സജ്ജാദും മുദാസിറും പാക് ഭീകരന് യാസിറുമായി വ്യാജ നമ്പറിലുള്ള ആപ്പ് വഴി ബന്ധപ്പെട്ടിരുന്നതായി പൊലീസ് കണ്ടെത്തിയിരുന്നു.കശ്മീര് സ്വദേശിയാണ് പിടിയിലായ സജ്ജാദ് ഖാന്.
Discussion about this post