തെരഞ്ഞെടുപ്പ് പ്രചാരണം അവസാനഘട്ടത്തിലേക്ക് എത്തുമ്പോള് പ്രമുഖ ദേശീയ നേതാക്കള് കേളത്തിലെത്തുന്നു.വയനാട് ലോക്സഭാ മണ്ഡലത്തിലെ എന്ഡിഎ സ്ഥാനാര്ത്ഥി തുഷാര് വെള്ളാപ്പള്ളിയുടെ പ്രചാരണത്തിനായി കേന്ദ്ര മന്ത്രിയും ബിജെപി നേതാവുമായ സ്മൃതി ഇറാനിയും വയനാട്ടിലേക്ക്.
സുല്ത്താന് ബത്തേരിയില് എന്ഡിഎ സംഘടിപ്പിക്കുന്ന തുഷാര് വെള്ളാപ്പള്ളിയുടെ റോഡ് ഷോയിലും തെരഞ്ഞെടുപ്പ് പൊതുയോഗത്തിലും സ്മൃതി ഇറാനി പങ്കെടുക്കും.
ബി.ജെ.പി ദേശീയ അധ്യക്ഷന് അമിത് ഷാ, രവിശങ്കര് പ്രസാദ്, പിയൂഷ് ഘോയല്, ക്രിക്കറ്റ് താരം ഗൗതം ഗംഭീര്, വരുണ് ഗാന്ധി, പി.സി ജോര്ജ് തുടങ്ങിയവര് തുഷാറിനായി പ്രചരണം നടത്തുമെന്നാണ് റിപ്പോര്ട്ട്.
അതേസമയം കോണ്ഗ്രസ് അധ്യക്ഷന് രാഹുല് ഗാന്ധി മത്സരിക്കുന്ന വയനാട്ടില് അദ്ദേഹത്തിനായി വോട്ടഭ്യര്ഥിക്കാന് സഹോദരിയും എ.ഐ.സി.സി. ജനറല് സ്രെകട്ടറിയുമായ പ്രിയങ്കാ ഗാന്ധി എത്തും. വയനാട് ലോക്സഭ മണ്ഡലത്തിലെ മാനന്തവാടിയിലും അരീക്കോടും നിലമ്പൂരിലും സംഘടിപ്പിക്കുന്ന തെരഞ്ഞെടുപ്പ് യോഗങ്ങളില് പ്രിയങ്കാ ഗാന്ധി പ്രസംഗിക്കും.
ശനിയാഴ്ച രാവിലെ കണ്ണൂര് വിമാനത്താവളത്തിലെത്തുന്ന പ്രിയങ്കാ ഗാന്ധി ഹെലികോപ്റ്റര് മാര്ഗം മാനന്തവാടിയിലെത്തും. ശേഷം പുല്വാമ ഭീകരാക്രമണത്തില് വീരമൃത്യു വരിച്ച വസന്തകുമാറിന് വീട് സന്ദര്ശിക്കും. പിന്നീട് പുല്പ്പള്ളിയിലെ കര്ഷകസംഗമത്തിലും പങ്കെടുക്കും. ഇതിനുശേഷം അരീക്കോട്ടേക്ക് തിരിക്കും. ശനിയാഴ്ച രാത്രി വൈത്തിരിയില് തങ്ങുന്ന പ്രിയങ്കാ ഗാന്ധി ഞായറാഴ്ച രാവിലെ തിരികെ മടങ്ങും.
Discussion about this post