ഐ.എസ്.ആര്.ഒ യുടെ നേട്ടങ്ങളുടെ പട്ടികയിലേക്ക് ഒരു പൊന്തൂവല് കൂടി. ഭൗമ നിരീക്ഷണ ഉപഗ്രഹമായ റിസാറ്റ്- 2 ബി യാണ് ഇസ്രോ വിജയകരമായി വിക്ഷേപിച്ചത്. പുലര്ച്ചെ 5.27ന് ശ്രീഹരിക്കോട്ടയിലെ സതീഷ്ധവാന് സ്പേസ് സെന്ററില് നിന്നായിരുന്നു വിക്ഷേപണം. പി.എസ്.എല്.വി 46 റോക്കറ്റ് ഉപയോഗിച്ചാണ് 555 കിലോമീറ്റര് അകലെയുള്ള ഭ്രമണപഥത്തില് റിസാറ്റ് -2ബിയെ എത്തിച്ചത്.
ഏതുകാലാവസ്ഥയിലും സൈന്യത്തെ സഹായിക്കുന്നതിന് ഉപകരിക്കുന്ന റിസാറ്റ് 2-ബി ഉപഗ്രഹം പുതിയ സാങ്കേതികവിദ്യകള്കൂടി ഉള്പ്പെടുത്തിയാണ് ഒരുക്കിയിരിക്കുന്നത്. ഉപഗ്രഹത്തിലെ സിന്തറ്റിക് അപാര്ച്ചര് റഡാര് രാപകല്ഭേദമില്ലാതെ, കാലാവസ്ഥാവ്യത്യാസമില്ലാതെ മിഴിവുള്ള ചിത്രങ്ങള് പകര്ത്തും . ആകാശനിരീക്ഷണം ശക്തമാക്കുന്നതിനുള്ള ഇന്ത്യയുടെ ഈ പുതിയ ദൗത്യത്തിലൂടെ പാക്കധീന കശ്മീരിലെ ഭീകരകേന്ദ്രങ്ങള് ഉള്പ്പെടെ നിരീക്ഷിക്കുന്നതിന് ഉപഗ്രഹം സഹായകമാകും
കൂടാതെ വെള്ളപ്പൊക്കം, കൊടുങ്കാറ്റ് എന്നിവയെക്കുറിച്ചുള്ള മുന്നറിയിപ്പുനല്കുന്നതിനൊപ്പം കൃഷി, വനവിസ്തൃതി എന്നിവ നിരീക്ഷിക്കാനും ഉപഗ്രഹം സഹായകരമാകും.
Discussion about this post