മുന് പ്രധാനമന്ത്രി മന്മോഹന് സിങ് തമിഴ്നാട്ടില് നിന്നും രാജ്യസഭയിലേക്ക് മല്സരിക്കുമെന്ന് സൂചന. മറ്റൊരിടത്തുനിന്നും മുന്പ്രധാനമന്ത്രിയെ ഉപരിസഭയിലെത്തിക്കാന് കഴിയാത്തിനെ തുടര്ന്നാണ് കോണ്ഗ്രസിന്റെ നിര്ണായക നീക്കം.
ജൂലൈ 24ന് തമിഴ്നാട്ടിലെ ആറു രാജ്യസഭാ സീറ്റുകളില് ഒഴിവുവരും. എംഎല്എമാരുടെ എണ്ണം അനുസരിച്ചു മൂന്നുവീതം സീറ്റുകള് അണ്ണാ ഡിഎംകെ, ഡിഎംകെ സംഖ്യങ്ങള്ക്കു ലഭിക്കും. ഡിഎംകെ സഖ്യത്തിനു ലഭിക്കുന്ന സീറ്റുകളില് ഒന്നില് മന്മോഹനെ മല്സരിപ്പിക്കാനാണ് കോണ്ഗ്രസ് നീക്കം.
1991 മുതല് അസമില് നിന്നുള്ള രാജ്യസഭ അംഗമായ മന്മോഹന്റെ കാലാവധി വെള്ളിയാഴ്ചയോടെ തീരും. അവിടെ നിന്ന് വീണ്ടും സഭയിലെത്തിക്കാന് വേണ്ട എംഎല്എമാരുമില്ല. രാജ്യസഭാ സീറ്റിന് പകരം അടുത്തു തന്നെ ഉപതിരഞ്ഞെടുപ്പ് നടക്കുന്ന നങ്കുന്നേരി സീറ്റു വിട്ടുനല്കാമെന്നാണ് കോണ്ഗ്രസ് ഡിഎംകെയ്ക്ക് മുന്നില് വച്ചിരിക്കുന്ന നിര്ദേശം. കോണ്ഗ്രസിന് ഏഴ് എംഎല്എമാര് മാത്രമാണ് തമിഴ്നാട് നിയമസഭയിലുള്ളത്.
Discussion about this post