തൻ്റെ ഔദ്യോഗിക ഫേസ്ബുക്ക് പേജെന്ന വ്യാജേന ഫേക്ക് പേജിലൂടെ ഭിന്നത പ്രചരിപ്പിക്കുവെന്ന മുന്നറിയിപ്പുമായി നടി പാർവതി. പാർവതി ടികെ എന്ന ഫേസ്ബുക്ക് പേജും പോസ്റ്റും വ്യാജമാണെമന്ന് പാർവതി.തന്റെ ഫേസ്ബുക്ക് പേജിലൂടെയാണ് പാർവതി വ്യാജ അക്കൌണ്ടും പ്രചരിക്കുന്ന വ്യാജ പോസ്റ്റിനെപ്പറ്റിയും പ്രതികരിച്ചത്.
കനത്ത പേമാരിയില് സംസ്ഥാനം വലയുന്ന ഈ അവസരത്തില് കേരളത്തെ ഭിന്നിപ്പിക്കുന്ന രീതിയിലുള്ള നിരുത്തരവാദപരമായ പോസ്റ്റുകളാണ് വ്യാജ അക്കൗണ്ടില് നിന്നും ഉണ്ടാകുന്നത്. അത്തരം വ്യാജ സന്ദേശങ്ങളും വാർത്തകളും പ്രചരിപ്പിക്കരുതെന്നും സോഷ്യൽ മീഡിയയെ നല്ല രീതിയിൽ ഉപയോഗിച്ചു രക്ഷാപ്രവർത്തനങ്ങൾക്ക് പിന്തുണ നൽകണമെന്നും ഒരുമിച്ച് നില്ക്കേണ്ട സമയമാണിതെന്നും പാര്വതി സോഷ്യല് മീഡിയയില് കുറിച്ചു
ഫേസ്ബുക്ക് പോസ്റ്റിന്റെ പൂർണരൂപം ചുവടെ;
നമ്മുടെ നാട് വീണ്ടും ഒരു മഹാമാരിയെയും പ്രളയത്തെയും ഒറ്റക്കെട്ടായി നിന്ന് അതിജീവിക്കാൻ ശ്രമിക്കുകയാണ്. ഇതിനിടയിലാണ് എന്റേത് എന്ന പേരിൽ ഒരു വ്യാജ പ്രൊഫൈൽ ഈ അവസരത്തിൽ തെറ്റിധാരണ ജനിപ്പിക്കുന്നതും ആളുകൾക്കിടയിൽ ഭിന്നതയും ദൂരങ്ങളും സൃഷ്ടിക്കുന്നതുമായ പോസ്റ്റുകൾ ഇടുന്നത് ശ്രദ്ധയിൽ പെട്ടത്. ഇതറിഞ്ഞയുടനെ പ്രസ്തുത പേജുമായി ഞങ്ങൾ ബന്ധപ്പെട്ടെങ്കിലും മറുപടിയൊന്നും ലഭച്ചില്ല. കേരളത്തെ തന്നെ ഭിന്നിപ്പിക്കുന്ന തരത്തിലുള്ള നിരുത്തരവാദപരമായ പോസ്റ്റുകൾ കണ്ടതിനാലാണ് ഇങ്ങനെ ഒരു കുറിപ്പ്. നമുക്ക് ദയവായി തെറ്റായതും വ്യാജമായതും ആയ സന്ദേശങ്ങളും വാർത്തകളും പ്രചരിപ്പിക്കാതെ ഇരിക്കാം. സോഷ്യൽ മീഡിയയെ നല്ല രീതിയിൽ ഉപയോഗിച്ചു രക്ഷാപ്രവർത്തനങ്ങൾക്ക് പിന്തുണ നൽകാം. അതിജീവിക്കാം ഒരിക്കൽ കൂടി. ഒരുമിച്ച് !
https://www.facebook.com/OfficialParvathy/posts/2405219099592619?__xts__%5B0%5D=68.ARBQY2r2Gj_EMDg8drPEuT_T8tLbIOooB-vzbxh2lfKDfqYGVO_8p544AXPnLXh7COQ62WDdteORKAd1Bu6XpH80CaY9qu-xxthxGOy-Dj4b_s44hjcnxdr4hjS5PNuxiz4dLvcLJz_uxnxt69tmbYlZPx1kQmHYs3Jp9zKUCBTPje9Zbei9kRX2dpGVWNUwrifcMM3RYf_1JrK97_kM2yVTnIRGujkM8dvCicuFKsVlaQuLrD9DcpLBSlDm28iyYEkl-PgCYEr4vo88QseBPbmEjrjsEFvGLqQu-nqctGmlWjpgTniClIq4Co6rWCkbXJtEq1eafwNCuoay07wLAk2rgg&__tn__=-R
Discussion about this post