കഴിഞ്ഞ പ്രളയത്തില് നഷ്ടപരിഹാരം നല്കുന്നതുമായി ബന്ധപ്പെട്ട് വീഴ്ചയുണ്ടായെന്ന് നടന് ധര്മജന്. കഴിഞ്ഞ പ്രളയം ഉണ്ടായപ്പോള് പെട്ടെന്ന് തന്നെ കോടികള് ഖജനാവില് എത്തി. എന്ത് കൊണ്ട് അത് പെട്ടെന്ന് ജനങ്ങളിലെത്തുന്നില്ലെന്ന് ധര്മ്മജന് ചോദിച്ചു. ചാനല് ചര്ച്ചയിലാണ് ധര്മ്മജന്റെ രോഷപ്രകടനം.
ഇത്രയും സംവിധാനങ്ങള് ഉണ്ടായിട്ടും പ്രളയക്കെടുതിയില് അകപ്പെട്ടവര്ക്ക് പണം ലഭിക്കുന്നില്ല. ഞാന് രാഷ്ട്രീയം പറയുകയല്ല. നമ്മുടെ സംസ്ഥാനത്ത് മുഖ്യമന്ത്രിയുണ്ട്. മന്ത്രിമാരുണ്ട് എംപിമാരുണ്ട് എംഎല്എമാരുണ്ട് ജില്ലാ പഞ്ചായത്ത്, കളക്ടര്, ബ്ലോക്ക് പഞ്ചായത്തും ഗ്രാമപഞ്ചായത്തുമുണ്ട്. ദുരിതാശ്വാസ നിധിയിലേക്ക് പണം പെട്ടന്ന് പൈട്ടന്ന് എത്തി. ഈ പണം ജനങ്ങളിലേക്ക് എത്തിയില്ല.-ധര്മ്മജന് പറഞ്ഞു.
ഞാന് ഒരു പൈസപോലും ഇതില്നിന്ന് വാങ്ങിയ ആളല്ല. ഞങ്ങളുടെ സംഘടനയാണ് അമ്മ. അവര് എത്രയോ കോടി രൂപ കൊടുത്തു. ജനങ്ങളിലേക്ക് അത് എത്തിക്കാനുളള സൗകര്യം ഇവിടില്ലേ? ഇന്നസെന്റേട്ടനോട് ചോദിച്ചു സ്ഥലം വാങ്ങി വീട് വെച്ച് നല്കാമായിരുന്നില്ലേ എന്ന്. ഇത് ഞാന് നേരിട്ട് കണ്ടതാണ്. നഷ്ടം കണക്കാക്കുന്നതും കൃത്യതയില്ലായ്മയും സംഭവിച്ചിട്ടുണ്ട്.സാധാരണക്കാരും മത്സ്യത്തൊഴിലാളികളും ചെയ്യുന്ന പണിയെങ്കിലും ഇവര് ചെയ്യട്ടെ. ഇവിടെ ഇത്രയും ആളുകളില്ലേ. മന്ത്രിമാരും എംപിമാരും എംഎല്എമാരുമുണ്ട്. ഇവര്ക്ക് ചെയ്യാന് സാധിക്കുന്നില്ലേ?- ധര്മജന് ചോദിച്ചു.
Discussion about this post