ഒരു ലക്ഷം രൂപയ്ക്ക് 15 കാരിയായ മകളെ വിറ്റ് അമ്മ. കഴിഞ്ഞ ആഴ്ചയാണ് ഡല്ഹി സ്വദേശിയായ പെണ്കുട്ടിയെ അമ്മ വിറ്റത്. പെണ്കുട്ടി അവിടെനിന്ന് രക്ഷപ്പെട്ടതോടെയാണ് ഞെട്ടിപ്പിക്കുന്ന സംഭവം പുറം ലോകം അറിഞ്ഞത്. ഒരു മാസം മുന്പ് ഒരു വയസുള്ള തന്റെ അനിയനേയും അമ്മ വിറ്റെന്നും പെണ്കുട്ടി പറഞ്ഞു.
ബധര്പൂരിലെ സഹോദരിയുടെ വീട്ടില് പോകാന് എന്നു പറഞ്ഞാണ് അമ്മ മകളെയും കൂട്ടി വീട്ടില് നിന്ന് ഇറങ്ങിയത്. എന്നാല് നിസാമുദ്ദീനിലെ ഒരു ഹോട്ടലിലേക്കാണ് മകളെ കൊണ്ടുപോയത്. അവിടെയുണ്ടായിരുന്ന ഒരാളുടെ അടുക്കലേക്ക് കുഞ്ഞിനെ എത്തിച്ച ശേഷം എവിടെയോ പോകാനുണ്ടെന്ന് പറഞ്ഞ് അവര് പോവുകയായിരുന്നു. അയാള് വീട്ടിലേക്ക് കൊണ്ടുപോകും എന്നാണ് മകളോട് പറഞ്ഞത്.
എന്നാല് അയാളുടെ വീട്ടിലേക്കാണ് കുട്ടിയെ കൊണ്ടുപോയത്. അവിടെ നിരവധി പെണ്കുട്ടികള് ഉണ്ടായിരുന്നു. . അവരാണ് തന്റെ അമ്മ ഒരു ലക്ഷം രൂപയ്ക്ക് തന്നെ വിറ്റെന്ന് കുട്ടിയോട് പറഞ്ഞത്. അവിടെ നിന്ന് രക്ഷപ്പെട്ട പെണ്കുട്ടി വീട്ടിലെത്തി.പിന്നീട് അയല്വാസികളോട് കുട്ടി സഹായം ആവശ്യപ്പെട്ടതിനെ തുടര്ന്ന് അവര് പൊലീസ് സ്റ്റേഷനില് എത്തിക്കുകയായിരുന്നു.
അമ്മ വലിയ കടക്കെണിയിലായിരുന്നെന്നും അതിനാലാണ് തന്നെ വിറ്റത് എന്നുമാണ് പെണ്കുട്ടി പൊലീസിനോട് പറഞ്ഞത്. സംഭവത്തില് കേസ് എടുത്തെങ്കിലും ആരെയും അറസ്റ്റ് ചെയ്തിട്ടില്ല.
Discussion about this post