ഉപതെരഞ്ഞെടുപ്പ് പ്രചാരണത്തിന് ഫേസ്ബുക്കും വാട്സാപ്പും പോലുള്ള സാമൂഹ്യമാധ്യമങ്ങള് ഉപയോഗിക്കുന്ന സ്ഥാനാര്ത്ഥികളും രാഷ്ട്രീയ പാര്ട്ടികളും തെരഞ്ഞെടുപ്പ് കമ്മീഷന്റെ മാര്ഗനിര്ദേശങ്ങള് പാലിക്കുന്നതില് ജാഗ്രത പുലര്ത്തണമെന്ന് കമ്മീഷന് നിയോഗിച്ച നിരീക്ഷക മാധ്വി കടാരിയ പറഞ്ഞു.
സാമൂഹികമാധ്യമങ്ങളിലെ പോസ്റ്റുകള് മാധ്യമ നിരീക്ഷണത്തിനും സര്ട്ടിഫിക്കേഷനുമായി രൂപീകരിച്ചിട്ടുള്ള മീഡിയ സര്ട്ടിഫിക്കേഷന് ആന്റ് മോണിറ്ററിംഗ് കമ്മിറ്റിയുടെ നിരീക്ഷണത്തിലാണ്. കമ്മിറ്റിയുടെ സാക്ഷ്യപ്പെടുത്തല് ലഭിക്കാത്ത പരസ്യങ്ങളോ വോട്ട് അഭ്യര്ത്ഥനയോ സാമൂഹിക മാധ്യമങ്ങളില് പ്രസിദ്ധപ്പെടുത്തരുത്. ഇത്തരം പോസ്റ്റുകള് എക്സ്പെന്ഡിച്ചര് മോണിറ്ററിംഗ് കമ്മിറ്റിക്ക് കൈമാറി തുടര് നടപടികള് സ്വീകരിക്കുമെന്ന് നിരീക്ഷക ചൂണ്ടിക്കാട്ടി.
പോസ്റ്ററുകള്, സിനിമ തിയേറ്ററുകളില് പ്രദര്ശിപ്പിക്കുന്ന പരസ്യങ്ങള്, റേഡിയോ പരസ്യങ്ങള്, മറ്റ് ദൃശ്യ ശ്രാവ്യ സങ്കേതങ്ങള് ഉപയോഗിച്ചുള്ള പരസ്യപ്രചാരണം എന്നിവയ്ക്കും സര്ട്ടിഫിക്കേഷന് നിര്ബന്ധമാണ്. പോളിംഗിന് 48 മണിക്കൂര് മുമ്പ് മുതല് പത്രങ്ങളില് നല്കുന്ന പരസ്യങ്ങളും മാധ്യമ നിരീക്ഷണ സമിതി സാക്ഷ്യപ്പെടുത്തിയിരിക്കണം.
Discussion about this post