ഡല്ഹി: ഇന്ത്യന് ക്രിക്കറ്റ് ടീമിന് കോഴിക്കോട് കേന്ദ്രമായി പ്രവര്ത്തിക്കുന്ന തീവ്രവാദ സംഘടനയുടെ ഭീഷണി. ൂഡല്ഹിയിലെ അരുണ് ജെയ്റ്റ്ലി സ്റ്റേഡിയത്തില് ഇന്ത്യബംഗ്ലാദേശ് ഒന്നാം ടി20 യ്ക്കിടെ ഇന്ത്യന് ക്യാപ്റ്റന് വിരാട് കൊഹ്ലിയെയും മറ്റ് പ്രമുഖ രാഷ്ട്രീയക്കാരെയും വധിക്കുമെന്നാണ് കോഴിക്കോട് കേന്ദ്രമായി പ്രവര്ത്തിക്കുന്ന ലഷ്കര് സംഘടന എന്ന് അവകാശപ്പെട്ടവരുടെ ഭീഷണി. ദേശീയ അന്വേഷണ ഏജന്സിക്കാണ് ഇവരുടെ കത്ത് ലഭിച്ചത്.
എന്.ഐ.എ ഭീഷണിക്കത്ത് ബി.സി.സി.ഐയ്ക്കും ഡല്ഹി പോലീസിനും കൈമാറിയിട്ടുണ്ട്. എന്നാല്, കോഴിക്കോട് കേന്ദ്രമായി ഇത്തരത്തില് ഒരു സംഘടന പ്രവര്ത്തിക്കുന്നതായി അറിവില്ല. ഭീഷണി വ്യാജമാവാനാണ് സാധ്യത എന്ന വിലയിരുത്തലിലാണ് അവരെന്ന് വാര്ത്താ ഏജന്സികള് റിപ്പോര്ട്ട് ചെയ്യുന്നു. എങ്കിലും ഭീഷണി വിലകുറച്ച് കാണാന് എന്.ഐ.എ. തയ്യാറല്ലെന്നാണ് അറിയുന്നത്. ഇതിനെ തുടര്ന്നാണ് വേദിയിലെയും കളിക്കാരുടെയുമെല്ലാം സുരക്ഷ ശക്തമാക്കി
ആദ്യ ടി20 മത്സരം ഞായറാഴ്ച ഡല്ഹിയിലെ അരുണ് ജെയ്റ്റ്ലി സ്റ്റേഡിയത്തില് ആരംഭിക്കും. മൂന്ന് ടി20 മത്സരങ്ങളും രണ്ട് ടെസ്റ്റുമാണ് ഇന്ത്യ ബംഗ്ലാദേശിനെതിരെ ടക്കുക. നവംബര് മൂന്നിനാണ് പരമ്പര ആരംഭിക്കുന്നത്. കൊഹ്ലിയുടെ അഭാവത്തില് രോഹിത് ശര്മ്മയാണ് ഇന്ത്യയെ നയിക്കുന്നത്.
Discussion about this post