അട്ടപ്പാടിയില് മാവോവാദികളുമായി ഏറ്റുമുട്ടല് നടന്നതിന് തെളിവായി പോലീസ് പുറത്തുവിട്ട വീഡിയോയിലെ ദൃശ്യങ്ങള് വ്യാജമെന്ന് സിപിഐ.പോലീസ് പുറത്തുവിട്ട വീഡിയോയിലെ ദൃശ്യങ്ങള് കൃത്രിമമായി സൃഷ്ടിച്ചെടുത്തതാണ്. വെടിവെപ്പ് നടക്കുന്ന സമയത്ത് എല്ലാവരും കമിഴ്ന്ന് കിടക്കുകയാണ് ചെയ്യാറുള്ളത്.
ആ സമയത്ത് ആരാണ് നിന്ന് വീഡിയോ പകര്ത്തിയതെന്ന് വ്യക്തമാക്കണമെന്നും സിപിഐ വ്യക്തമാക്കി. ആ ദൃശ്യങ്ങള് കണ്ടാല് തന്നെ അസ്വാഭാവികത മനസ്സിലാകും. അന്വേഷണത്തിലൂടെ ഇത് കണ്ടെത്തണമെന്ന് സിപിഐ സംസ്ഥാന അസിറ്റന്റ് സെക്രട്ടറി പ്രകാശ് ബാബു പറഞ്ഞു. തണ്ടര്ബോള്ട്ടിന്റെ വന്സംഘം നില്ക്കുന്ന സന്ദര്ഭത്തില് മണിവാസകന് വെടിയുതിര്ത്തുവെന്ന് പറയുന്നത് വിശ്വസിക്കാന് ബുദ്ധിമുട്ടാണെന്നും അദ്ദേഹം പറഞ്ഞു.
മഞ്ചക്കണ്ടിയില് ഏറ്റുമുട്ടല് നടന്നു എന്ന് പറഞ്ഞത് തെറ്റാണെന്ന് തങ്ങള് അവിടെ പോയപ്പോള് ബോധ്യമായി. അവിടെ കാണുന്ന ഷെഡ്ഡ് മൂന്നോ നാലോ ദിവസത്തിന് മുമ്പ് പോലീസ് നിര്മിച്ചതാണ്. മാവോയിസ്റ്റുകള് ഉപയോഗിച്ച് വരുന്ന ഷെഡ്ഡാണിതെന്നാണ് പോലീസ് പറഞ്ഞത്. ആഹാരം കഴിച്ച് കൊണ്ടിരിക്കെ മാവോവാദികളെ പോലീസ് വെടിവെച്ചു കൊല്ലുകയായിരുന്നുവെന്നാണ് ഞങ്ങള്ക്കവിടെ സന്ദര്ശിച്ചപ്പോള് ബോധ്യപ്പെട്ടതെന്നും പ്രകാശ് ബാബു പറഞ്ഞു.
Discussion about this post