അന്തരീക്ഷ മലനീകരണ തോത് ഉയർന്നതോടെ ലോകത്തിന്റെ പ്രണയ സൗധമായ താജ്മഹലിനെ രക്ഷിക്കാൻ വായുശുദ്ധീകരണ സംവിധാനമൊരുക്കി അധികൃതർ. വായുശുദ്ധീകരണ സംവിധാനമുള്ള വാൻ താജ്മഹലിനു സമീപം വിന്യസിച്ചു. ഉത്തർപ്രദേശ് മലിനീകരണ നിയന്ത്രണ ബോർഡാണ് വായുശുദ്ധീകരണ സംവിധാനം ഒരുക്കിയിരിക്കുന്നത്.
ഈ സംവിധാനത്തിൽ 300 മീറ്റർ ചുറ്റളവിലുള്ള 15 ലക്ഷം ക്യുബിക് മീറ്റർ വായു എട്ടു മണിക്കൂർ നേരം കൊണ്ട് ശുദ്ധീകരിക്കും. താജ്മഹലിന്റെ പടിഞ്ഞാറൻ പ്രവേശന കവാടത്തിലാണ് വാഹനം ക്രമീകരിച്ചിരിക്കുന്നത്. ഏഴ് ലോകാദ്ഭുതങ്ങളിലൊന്നായ താജ്മഹലിന്റെ വെള്ള മാർബിളുകൾക്ക് മലിനവായുമായുള്ള സംമ്പർക്കത്തിൽ തിളക്കം നഷ്ടപ്പെടാൻ ഇടയുണ്ട്.
മലിനവായു മാർബിളിനെ മോശമായി ബാധിക്കും. ഈ സാഹചര്യം ഒഴിവാക്കാനാണ് താജ്മഹലിന്റെ ചുറ്റുമുള്ള വായു ശുദ്ധീകരിക്കുന്നതിനായി വായുശുദ്ധീകരണ സംവിധാനം ഉപയോഗിക്കുന്നത്
Discussion about this post