പാലക്കാട് മഞ്ചിക്കണ്ടി ഏറ്റുമുട്ടലിനിടെ രക്ഷപ്പെട്ട മാവോയിസ്റ്റ് നേതാവ് ദീപകിന്റെ പരിശീലന ദൃശ്യങ്ങള് പുറത്ത്. .മഞ്ചിക്കണ്ടി ഉള്വനത്തില് നിന്ന് പൊലീസ് കണ്ടെടുത്ത ലാപ്ടോപ്, മൊബൈല് ഫോണ്, പെന്ഡ്രൈവ് തുടങ്ങിയ സാധനങ്ങളില് നിന്നാണ്, ദീപക് പരിശീലനം നടത്തുന്ന ദൃശ്യങ്ങള് പുറത്തുവന്നിരിക്കുന്നത്.
2016ല് പശ്ചിമഘട്ട ഉള്വനത്തില് ദീപക് പരിശീലനം നടത്തുന്ന ദൃശ്യങ്ങളാണിതെന്നാണ് പൊലീസ് പറയുന്നത്. മാവോയിസ്റ്റുകളുടെ രീതിയനുസരിച്ച് ഇവര് കേന്ദ്രക്കമ്മിറ്റിക്ക് അയച്ചുകൊടുക്കാനെടുത്ത പരിശീലനദൃശ്യങ്ങളാകാം ഇതെന്നാണ് പൊലീസ് പറയുന്നത്. ഛത്തീസ്ഗഡ് സ്വദേശിയായ ദീപക് ഷാര്പ്ഷൂട്ടറാണ്. സായുധസംഘാംഗങ്ങള്ക്ക് പരിശീലനം നല്കുന്ന കമാന്ഡോ കൂടിയാണ് ദീപക് എന്നാണ് സംശയം.
ദൃശ്യങ്ങള്ക്കൊപ്പം കണ്ടെത്തിയ ഡയറിക്കുറിപ്പുകളില്, ഓരോ ഭൂപ്രകൃതിയിലും എങ്ങനെ ആക്രമണം നടത്താമെന്നതിന്റെ പദ്ധതി വിവരങ്ങളും കണ്ടെത്തി.
രക്ഷപ്പെട്ട മാവോയിസ്റ്റ് നേതാവിന്റെ പരിശീലനദൃശ്യങ്ങള് പുറത്ത്; ആക്രമണത്തിന് പദ്ധതിയിട്ടുകൊണ്ട് തയ്യാറാക്കിയ ഡയറിക്കുറിപ്പുകളും കണ്ടെത്തി
Discussion about this post