ബുൾബുൾ ചുഴലിക്കാറ്റ് തീരത്തേക്ക് അടുക്കുന്നുവെന്ന് കാലവസ്ഥാ നിരീക്ഷണ കേന്ദ്രം. ബുൾബുൾ ചുഴലിക്കാറ്റിനെ നേരിടാനുള്ള സുരക്ഷാ ക്രമീകരണങ്ങൾ വിലയിരുത്തി പ്രധാനമന്ത്രിയുടെ ഓഫീസ്. പ്രിൻസിപ്പൽ സെക്രട്ടറിയുടെ നേതൃത്വത്തിൽ ഉന്നതതല യോഗം ചേർന്നു ചുഴലിക്കാറ്റിന്റെ പശ്ചാത്തലത്തിൽ് ഒഡീഷ ,പശ്ചിമ ബംഗാൾ, ആൻഡമാൻ നിക്കോബാർ ദ്വീപ് എന്നിവിടങ്ങളിൽ ജാഗ്രത നിർദേശം നൽകിയിരിക്കുകയാണ്.
24 മണിക്കൂറും സ്ഥിതി നിരീക്ഷിച്ച് റിപ്പോർട്ട് നല്കാൻ ചീഫ് സെക്രട്ടറിമാർക്ക് നിർദ്ദേശം നൽകിയിട്ടുണ്ട്. മണിക്കൂറിൽ 70 മുതൽ 90 കിലോമീറ്റർ് വേഗതയിൽ നാളെയും മറ്റന്നാളും കാറ്റ് വീശുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ദേശീയ ദുരന്തനിവാരണ സേന സജ്ജമാണ്. ഈ വർഷം ഇന്ത്യൻ തീരത്തടിക്കുന്ന ഏഴാമത്തെ ചുഴലിക്കാറ്റാണ് ബുൾബുൾ.
Discussion about this post