മാവോവാദി ബന്ധം ആരോപിച്ച് പോലീസ് അറസ്റ്റ് ചെയ്ത സിപിഎം പ്രവര്ത്തകനായ താഹ ഫസലിന്റെ ലാപ്ടോപ്പില്നിന്ന് മാവോവാദി ബന്ധം സാധൂകരിക്കുന്ന കൂടുതല് തെളിവുകള് അന്വേഷണസംഘത്തിന് ലഭിച്ചു. മാവോവാദി ഭരണഘടന, മാവോവാദി അനുകൂല പരിപാടികളുടെ ഫോട്ടോകള് തുടങ്ങിയ ഡിജിറ്റല് തെളിവുകളാണ് അന്വേഷണസംഘത്തിന് ലഭിച്ചത്.
പ്രതികളുടെ മാവോവാദി ബന്ധത്തിന് ഡിജിറ്റല് തെളിവുകള് ലഭിച്ചതോടെ കസ്റ്റഡി അപേക്ഷയ്ക്കൊപ്പം അന്വേഷണസംഘം ഈ തെളിവുകളും കോടതിയില് സമര്പ്പിക്കും.
റിമാന്ഡിലുള്ള അലന് ഷുഹൈബ്, താഹ ഫസല് എന്നിവരോടൊപ്പമുണ്ടായിരുന്ന മൂന്നാമനെ കണ്ടെത്തേണ്ട കാര്യവും കസ്റ്റഡി അപേക്ഷയില് സൂചിപ്പിക്കും. ഇയാളെക്കുറിച്ച് ഇരുവരും ഇതുവരെ ഒരുവിവരവും നല്കിയിട്ടില്ലെന്നും അതിനാല് കൂടുതല് ചോദ്യം ചെയ്യേണ്ട ആവശ്യമുണ്ടെന്നുമാണ് അന്വേഷണസംഘം കോടതിയെ അറിയിക്കുക.
യു.എ.പി.എ. കേസില് അറസ്റ്റിലായ അലന്റെയും താഹയുടെയും ജാമ്യാപേക്ഷ കഴിഞ്ഞ ബുധനാഴ്ച കോഴിക്കോട് ജില്ലാ പ്രിന്സിപ്പല് സെഷന്സ് കോടതി തള്ളിയിരുന്നു.
Discussion about this post