ഡൽഹി: തിങ്കളാഴ്ച ആരംഭിക്കുന്ന പാർലമെന്റിന്റെ ശീതകാല സമ്മേളനത്തിന് മുന്നോടിയായി ലോക്സഭാ സ്പീക്കർ ഓം ബിർള വിളിച്ചു കൂട്ടിയ സർവ്വകക്ഷി യോഗത്തിൽ പ്രധാനമന്ത്രി നരേന്ദ്ര മോദി പങ്കെടുക്കുന്നു.
ലോക്സഭയിലെ വിവിധ കക്ഷികളുടെ നേതാക്കൾ യോഗത്തിൽ പങ്കെടുക്കുന്നുണ്ട്.
സമ്മേളനം സുഗമാമായി നടത്തിക്കൊണ്ട് പോകാൻ പ്രതിപക്ഷ സഹകരണം യോഗത്തിൽ അഭ്യർത്ഥിക്കും. തിങ്കളാഴ്ചയാരംഭിക്കുന്ന സമ്മേളനം ഡിസംബർ 13 വരെ നീളും. പർലമെന്ററി കാര്യവകുപ്പ് മന്ത്രി പ്രഹ്ലാദ് ജോഷിയും സഹമന്ത്രി അർജുൻ റാം മേഘ്വാളും യോഗത്തിൽ പങ്കെടുക്കുന്നുണ്ട്. കോൺഗ്രസ്സ് നേതാവ് അധീർ രഞ്ജൻ ചൗധരി തൃണമൂൽ നേതാവ് സുദീപ് ബാനർജി, ഡി എം കെ നേതാവ് ടി ആർ ബാലു, ബി എസ് പി നേതാവ് ഡാനിഷ് അലി, എൽ ജെ പിയുടെ ചിരാഗ് പസ്വാൻ, എ ഐ എം ഐ എം നേതാവ് അസദുദ്ദീൻ ഒവൈസി തുടങ്ങിയവരും യോഗത്തിനെത്തിയിട്ടുണ്ട്.
Discussion about this post