കേരള സര്വകലാശാലയിലെ 12 പരീക്ഷകളില് കൃത്രിമം നടന്നതായി കണ്ടെത്തി. കംപ്യൂട്ടര് സെന്റര് നടത്തിയ പരിശോധനയിലാണ് കൃത്രിമം നടന്നതായി കണ്ടെത്തിയത്. കഴിഞ്ഞ ദിവസം സ്ഥലം മാറ്റുപ്പെട്ട ഡെപ്യൂട്ടി രജിസ്ട്രാറുടെ യൂസര് ഐഡി ഉപയോഗിച്ചു കൃത്രിമം നടന്നതായും കണ്ടെത്തി.
2017 ജൂണ് ഒന്നുമുതല് നടന്ന പരീക്ഷകളിലാണ് ക്രമക്കേട് കണ്ടുപിടിച്ചത്. തൊഴിലധിഷ്ടിത ബിരുദ കോഴ്സുകളിലെ 12 പരീക്ഷകളിലാണ് ക്രമക്കേട് നടന്നിരിക്കുന്നത്.
നിശ്ചയിച്ച മോഡറേഷനുകളേക്കാള് കൂടുതല് മാര്ക്ക് കൃത്രിമമായി രേഖപ്പെടുത്തിയാണ് തട്ടിപ്പ് നടന്നിരിക്കുന്നത്. ഒരേപരീക്ഷയില് തന്നെ പലതവണ മാര്ക്ക് തിരുത്തിയതായി തെളിഞ്ഞു. ക്രൈംബ്രാഞ്ച് അന്വേഷണം ആവശ്യപ്പെട്ടിട്ടുണ്ടെങ്കിലും ആഭ്യന്തര അന്വേഷണം പൂര്ണതോതില് നടത്താനാണ് സര്വകലാശാലയുടെ തീരുമാനം.
ഇതിനായി വിദഗ്ധരടങ്ങുന്ന മൂന്നംഗം സമിതി ഇക്കാര്യങ്ങളില് വിശദപരിശോധന നടത്തും. അന്വേഷണത്തിന് ആവശ്യമെങ്കിൽ വിദഗ്ധരുടെ സഹായം തേടാനും സർവകലാശാല തീരുമാനിച്ചിട്ടുണ്ട്. കൂടുതൽ ഉദ്യോഗസ്ഥർക്ക് പങ്കുണ്ടെന്നാണ് പ്രഥാമിക നിഗമനം. ഇക്കാര്യത്തിൽ ബാഹ്യശക്തികളുടെ ഇടപെടലും പരിശോധിക്കും
Discussion about this post