ഡല്ഹി: നാഥുറാം ഗോഡ്സെയെ പുകഴ്ത്തി ലോക്സഭയില് പ്രസ്താവന നടത്തിയ ബിജെപി എംപി പ്രജ്ഞാ സിങ് ഠാക്കൂറിനെ പ്രതിരോധ മന്ത്രാലയത്തിന്റെ പാര്ലമെന്ററി കൂടിയാലോചന കമ്മിറ്റിയില് നിന്ന് പുറത്താക്കി. ബിജെപി വര്ക്കിങ് പ്രസിഡന്റ് ജെ.പി.നഡ്ഡയാണ് ഇക്കാര്യം അറിയിച്ചത്. പാര്ലമെന്റിന്റെ ശീതകാല സമ്മേളത്തിനിടെ നടക്കുന്ന പാര്ലമെന്ററി പാര്ട്ടി യോഗങ്ങളിലും പ്രജ്ഞയെ പങ്കെടുപ്പിക്കില്ലെന്നും അദ്ദേഹം വാര്ത്താ ഏജന്സിയായ എ.എന്.ഐയോടു പറഞ്ഞു.
പ്രസ്താവന അപലപനീയമാണെന്നും അത്തരം പ്രസ്താവനകളെയോ ആശയത്തെയോ ബി.ജെ.പി പിന്തുണയ്ക്കുന്നില്ലെന്നും നഡ്ഡ വ്യക്തമാക്കി.
ഇന്നലെ ലോക്സഭയില് എസ്.പി.ജി ബില്ലിന്റെ ചര്ച്ചയ്ക്കിടെയാണ് പ്രജ്ഞ വിവാദ പ്രസ്താവന നടത്തിയത്. ഗോഡ്സെ ദേശഭക്തനാണെന്നായിരുന്നു വിവാദ പ്രസ്താവന. ഡി.എം.കെ. അംഗം എ.രാജ പ്രസംഗിക്കുമ്പോഴാണ് പ്രജ്ഞ വിവാദപരാമര്ശവുമായി എഴുന്നേറ്റത ഒരു ദേശഭക്തനെ ഉദാഹരിക്കാന് കഴിയില്ലെന്ന് അവര് പറഞ്ഞു. ഇതോടെ പ്രതിപക്ഷകക്ഷികള് പ്രതിഷേധം ഉയര്ത്തുകയായിരുന്നു.
തുടര്ന്ന് സഭാ രേഖകളില് നിന്ന് പ്രജ്ഞയുടെ പരാമര്ശം നീക്കം ചെയ്തു.
Discussion about this post