കൊച്ചി: പാലാരിവട്ടം പാലം അഴിമതി കേസില് മുന്മന്ത്രി വി കെ ഇബ്രാഹിംകുഞ്ഞിനെതിരായ കള്ളപ്പണ ആരോപണവുമായി ബന്ധപ്പെട്ട കേസ് ഹൈക്കോടതി ഇന്ന് പരിഗണിക്കും. കേസില് എന്ഫോഴ്സ്മെന്റ് ഡയറക്ടറേറ്റിനെയും കക്ഷി ചേര്ക്കണമെന്ന് ഹര്ജിക്കാരന് ആവശ്യപ്പെട്ടിരുന്നു.
ഇതിന്റെ അടിസ്ഥാനത്തില് ഹൈക്കോടതി എന്ഫോഴ്സ്മെന്റ് ഡയറക്ടറേറ്റിനോട് നിലപാട് തേടിയിട്ടുണ്ട്. ഇബ്രാഹിംകുഞ്ഞിന് ചുമതലയുള്ള സ്ഥാപനത്തിന്റെ അക്കൗണ്ടിലേക്ക് പാലാരിവട്ടം മേല്പ്പാലം പൂര്ത്തിയായ സമയത്ത് 10 കോടി രൂപ കള്ളപ്പണം എത്തിയെന്നാണ് ഹര്ജിയില് പറയുന്നത്. കക്ഷി ചേര്ക്കണമെന്ന് ആവശ്യപ്പെട്ട് ഈ സ്ഥാപനവും ഹൈക്കോടതിയെ സമീപിച്ചിട്ടുണ്ട്.
10 കോടി രൂപ നോട്ട് നിരോധന സമയത്ത് കൊച്ചിയിലെ രണ്ട് ബാങ്ക് അക്കൗണ്ടുകളിലൂടെ ഇബ്രഹാം കുഞ്ഞിന് ചുമതലയുള്ള സ്ഥാപനത്തിന്റെ അക്കൗണ്ടില് വന്നതില് അന്വേഷണം വേണമെന്നാണ് ഹര്ജിക്കാരന്റെ ആവശ്യം.
നിലവില് മേല്പ്പാലം അഴിമതിയില് വി കെ ഇബ്രാഹിം കുഞ്ഞിനെതിരെ അന്വേഷണത്തിന് സര്ക്കാര് അനുമതി തേടിയിട്ടുണ്ടെന്നും അത് ലഭിച്ചാല് ഇക്കാര്യം കൂടി അന്വേഷിക്കാന് തയ്യാറാണെന്നുമാണ് വിജിലന്സ് നിലപാട്.
Discussion about this post