ഡല്ഹി: ഡല്ഹിയില് റബ്ബര് ഫാക്ടറിയിലുണ്ടായ തീപിടിത്തത്തില് മരിച്ചവരുടെ കുടുംബാംഗങ്ങള്ക്ക് രണ്ട് ലക്ഷം രൂപ ധനസഹായം പ്രഖ്യാപിച്ച് പ്രധാനമന്ത്രി നരേന്ദ്രമോദി. അപകടത്തില് ഗുരുതരമായി പരിക്കേറ്റവര്ക്ക് 50,000 രൂപയും നല്കും.
നേരത്തെ ഡല്ഹി സര്ക്കാര് മരിച്ചവരുടെ കുടുംബാംഗങ്ങള്ക്ക് 10 ലക്ഷം രൂപയും പരിക്കേറ്റവര്ക്ക് സൗജന്യ ചികിത്സയും ഒരു ലക്ഷം രൂപ ധനസഹായവും പ്രഖ്യാപിച്ചിരുന്നു.
ഡല്ഹിയിലെ റാണി ഝാന്സി റോഡില് അനാജ് മണ്ഡിയിലെ ആറ് നില കെട്ടിടത്തിലെ ഫാക്ടറിയിലാണ് ഇന്ന് രാവിലെ തീപിടിത്തമുണ്ടായത്. അപകടത്തില് 47 പേര് മരിച്ചു. ഉറങ്ങിക്കിടന്ന തൊഴിലാളികളാണ് മരിച്ചത്. പുലര്ച്ചെ അഞ്ച് മണിയോടെയാണ് സംഭവം.
Discussion about this post