പൗരത്വ ഭേഗഗതി ബില്ലിനെതിരെ രാജ്യത്ത് നടക്കുന്ന സംഭവങ്ങള് നിര്ഭാഗ്യകരമെന്ന് പ്രധാനമന്ത്രി നരേന്ദ്ര മോദി.പൊതുമുതല് നശിപ്പിക്കുന്നത് അംഗീകരിക്കാനാവില്ലെന്ന് അദ്ദേഹം പറഞ്ഞു.സ്ഥാപിത താല്പര്യക്കാര് സമൂഹത്തെ വിഭജിക്കുന്നതും കുഴപ്പങ്ങള് ഉണ്ടാക്കുന്നതും അനുവദിക്കാനാവില്ലെന്ന് മോദി ട്വീറ്റില് പറഞ്ഞു.
അതേസമയം ഭേഗദഗതി പാസായത് വലിയ പിന്തുണയോടെയെന്നും മോദി കൂട്ടിച്ചേര്ത്തു.നിയമ ഭേദഗതി ഒരു മതത്തെയും ബാധിക്കില്ലെന്നും മോദി കൂട്ടിച്ചേര്ത്തു.
ഒരു ഇന്ത്യക്കാരനും ഈ നിയമത്തെച്ചൊല്ലി വേവലാതിപ്പെടേണ്ടതില്ല. രാജ്യത്തിനു പുറത്ത് വര്ഷങ്ങളോളം മതവിവേചനത്തിനു വിധേയരാവുകയും ഇന്ത്യയല്ലാതെ മറ്റെവിടെയും പോകാനില്ലാത്തവരുമായ ആളുകള്ക്കു വേണ്ടിയാണ് ഈ നിയമമെന്ന് മോദി പറഞ്ഞു.
ഇന്ത്യയുടെ വികസനത്തിനു വേണ്ടി എല്ലാവരും ഒരുമിച്ചു നില്ക്കേണ്ട സമയമാണിത്. പാവപ്പെട്ടവരും മാറ്റിനിര്ത്തപ്പെട്ടവരുമായ ഓരോ ഇന്ത്യക്കാരനെയും ശാക്തീകരിക്കാന് അതാണ് ചെയ്യേണ്ടത്. നിക്ഷിപ്ത താത്പര്യക്കാര് നമ്മളെ വിഭജിക്കുകയും കുഴപ്പങ്ങളുണ്ടാക്കുകയും ചെയ്യുന്നത് അനുവദിക്കാനാവില്ലെന്ന് മോദി വ്യക്തമാക്കി.
Discussion about this post