മംഗ്ളൂരു: മലയാളി മാധ്യമപ്രവര്ത്തകരെ പൊലീസ് കസ്റ്റഡിയില് എടുത്ത സംഭവത്തില് വിശദീകരണവുമായി കര്ണാടക മുഖ്യമന്ത്രി യെദിയൂരപ്പ. മാധ്യമപ്രവര്ത്തകരെ കസ്റ്റഡിയിലെടുത്തത് ചോദ്യം ചെയ്യാനാണെന്ന് യെദൂരപ്പ പറഞ്ഞു. സത്യാവസ്ഥ ബോധ്യപ്പെട്ടപ്പോള് മാധ്യമ പ്രവര്ത്തകരെ വിട്ടയച്ചെന്നും ചിലരുടെ കയ്യില് മതിയായ രേഖ ഉണ്ടായിരുന്നില്ലെന്നും യെദിയൂരപ്പ വ്യക്തമാക്കി.
പൗരത്വ ഭേദഗതി നിയമത്തിനെതിരായ പ്രതിഷേധത്തിനിടെ കര്ണ്ണാടകത്തില് രണ്ട് പേര് കൊല്ലപ്പെട്ട സംഭവത്തില് റിപ്പോര്ട്ടിംഗിനെത്തിയവരെയാണ് സിറ്റി പൊലീസ് കമ്മീഷണറുടെ നേതൃത്വത്തിലുള്ള പൊലീസ് സംഘം കസ്റ്റഡിയില് എടുത്തത്. ക്യാമറയടക്കമുള്ള ഉപകരണങ്ങള് പൊലീസ് പിടിച്ചെടുക്കുകയും ചെയ്തിരുന്നു. പൊലീസ് വെടിവെപ്പില് കൊല്ലപ്പെട്ടവരുടെ മൃതദേഹങ്ങള് സൂക്ഷിച്ചിരിക്കുന്ന വെന്ലോക്ക് ആശുപത്രിക്ക് സമീപത്ത് നിന്ന് റിപ്പോര്ട്ട് ചെയ്യുകയായിരുന്ന മാധ്യമപ്രവര്ത്തകരെയാണ് പൊലീസ് കസ്റ്റഡിയില് എടുത്തത്.
Discussion about this post