‘അവന്‍ ഹിന്ദുവായതിനാല്‍ ഒപ്പം ഭക്ഷണം കഴിക്കാന്‍ പോലും സഹതാരങ്ങള്‍ കൂട്ടാക്കിയില്ല’,​ പാക് ക്രിക്കറ്റ് ടീമിനെ കുറിച്ച്‌ വെളിപ്പെടുത്തലുമായി അക്തര്‍, പറഞ്ഞതെല്ലാം സത്യമെന്ന് കനേരിയ ഡാനിഷ്

ലാഹോര്‍: പാക് ക്രിക്കറ്റ് ടീം അംഗങ്ങളുടെ പെരുമാറ്റത്തെ കുറിച്ച്‌ പുതിയ വെളിപ്പെടുത്തലുമായി മുന്‍ ക്രിക്കറ്റ് താരം ഷൊഹൈബ് അക്തര്‍. ഹിന്ദു മത വിശ്വാസിയായ പാക് ടീം അംഗം ഡാനിഷ് കനേരിയയ്ക്കുണ്ടായ ദുരനുഭവത്തെ കുറിച്ചാണ് താരം തുറന്നു പറ‍ഞ്ഞത്. പാക് ‌ടീമില്‍ രണ്ടാമതായി എത്തിയ ഹിന്ദു മതക്കാരനാണ് ഡാനിഷ് കനേരിയ. ഹിന്ദുവായതിനാല്‍ സഹതാരങ്ങള്‍ കനേരിയയോട് വിവേചനപരമായി പെരുമാറിയെന്നും ഒപ്പമിരുന്ന് ഭക്ഷണം ഭക്ഷണം കഴിക്കാന്‍ പോലും തയ്യാറായില്ലെന്നും അക്തര്‍ പറയുന്നു. ഗെയിം ഓണ്‍ ഹായ്’ എന്ന ക്രിക്കറ്റ് ഷോയിലാണ് അക്തറിന്റെ ഞെട്ടിക്കുന്ന വെളിപ്പെടുത്തല്‍.

അതേസമയം തനിക്ക് നേരിട്ട് ദുരനുഭവങ്ങളെ കുറിച്ച്‌ അക്തര്‍ പറഞ്ഞതെല്ലാം സത്യമാണെന്ന് കനേരിയ വെളിപ്പെടുത്തി. ഞാന്‍ ഒരു ഹിന്ദു ആയതിനാല്‍ എന്നോട് സംസാരിക്കാന്‍ പോലും സഹകളിക്കാര്‍ തയ്യാറായില്ല. അവരുടെ പേരുകള്‍ ഞാന്‍ വെളിപ്പെടുത്തും. അന്ന് എനിക്ക് അത് തുറന്നു പറയാന്‍ ധൈര്യമില്ലായിരുന്നു. എന്നാല്‍ ഇപ്പോള്‍ ഞാന്‍ അതുചെയ്യുമെന്നും കനേരിയ പറഞ്ഞു. കനേരിയ നേരിട്ട വിവേചനങ്ങള്‍ക്ക് നിരവധി അനുഭവങ്ങള്‍ ചൂണ്ടിക്കാന്‍ കഴിയുമെന്ന് അക്തര്‍ പറഞ്ഞു.

തന്റെ കരിയറില്‍ കറാച്ചി, പഞ്ചാബ്, പെഷവാര്‍ എന്നീ വിഷയങ്ങളുമായി ബന്ധപ്പെട്ട് നിരവധിയാളുകളുമായി തര്‍ക്കിക്കേണ്ടി വന്നു. എന്തിനാണ് ഹിന്ദുവായ താങ്കള്‍ ഞങ്ങള്‍ക്കൊപ്പം കളിക്കുന്നതെന്ന് പോലും കനേരിയയോട് ചില താരങ്ങള്‍ ചോദിച്ചതായി അക്തര്‍ പറയുന്നു. അതേസമയം അക്തറിന്റെ വെളിപ്പെടുത്തില്‍ ക്രിക്കറ്റ് ലോകത്ത് ചര്‍ച്ചയായി മാറിയിട്ടുണ്ട്.

Pak cricketer Danish Kaneria to ANI on Shoaib Akhtar's allegations that Pak players had problems eating with Kaneria as he's a Hindu:He told the truth. I'll reveal names of players who didn't like to talk to me as I was a Hindu. Didn't have courage to speak on it, but now I will. pic.twitter.com/HmeSUhtbUk

— ANI (@ANI) December 26, 2019