ഡല്ഹി: നിര്ഭയ കേസിലെ പ്രതി വധശിക്ഷയില് ഇളവ് നല്കണമെന്ന് ആവശ്യപ്പെട്ട് രാഷ്ട്രപതിക്ക് ദയാഹര്ജി നല്കി. പ്രതി മുകേഷ് സിംഗ് ആണ് ദയാഹര്ജി നല്കിയത്.
നേരത്തെ വിനയ് ശര്യും മുകേഷും സമര്പ്പിച്ച തിരുത്തല് ഹര്ജി സുപ്രീം കോടതി തള്ളിയിരുന്നു. ഇതിന് പിന്നാലെയാണ് ദയാഹർജി നൽകിയത്. ജസ്റ്റിസുമാരായ എന്.വി. രമണ, അരുണ് മിശ്ര, ആര്.എഫ്. നരിമാന്, ആര്. ബാനുമതി, അശോക് ഭൂഷന് എന്നിവരുടെ ബെഞ്ചാണ് ഹര്ജി പരിഗണിച്ചത്. അക്ഷയ് കുമാര്സിംഗ്, പവന്ഗുപ്ത എന്നിവരാണ് വധശിക്ഷയ്ക്കു വിധിക്കപ്പെട്ട മറ്റുപ്രതികള്.
തങ്ങളുടെ പ്രായവും പശ്ചാത്തലവും പരിഗണിക്കണമെന്ന് ആവശ്യപ്പെട്ടായിരുന്നു പ്രതികള് തിരുത്തല് ഹര്ജി സമര്പ്പിച്ചത്. ജനുവരി 22ന് രാവിലെ ഏഴുമണിക്ക് തിഹാര് ജയിലില് വധശിക്ഷ നടപ്പാക്കണമെന്നാണ് വാറന്റില് വ്യക്തമാക്കിയിരിക്കുന്നത്.
ജനുവരി ഏഴിനാണ് നിര്ഭയകേസില് കുറ്റക്കാരെന്ന് കണ്ടെത്തിയ നാലു പ്രതികളെയും ഡല്ഹി പാട്യാല ഹൗസ് കോടതി വധശിക്ഷയ്ക്ക് വിധിച്ചത്. 2012 ഡിസംബര് 16നാണ് 23 കാരിയായ പെണ്കുട്ടിയെ ഡല്ഹിയില് ആറു പേര് ചേര്ന്ന് ഓടുന്ന ബസില്വെച്ച് ക്രൂരമായ ലൈംഗികാക്രമണത്തിന് ശേഷം റോഡില് തള്ളിയിട്ടത്. 2012 ഡിസംബര് 29 ന് സിംഗപ്പൂരിലെ മൗണ്ട് എലിസബത്ത് ആശുപത്രിയില് വച്ചാണ് പെണ്കുട്ടി മരിച്ചത്.
Discussion about this post