യുണൈറ്റഡ് നേഷന്സ്: . 2020-21 സാമ്പത്തിക വര്ഷത്തില് ഇന്ത്യന് സമ്പദ്വ്യവസ്ഥ 6.6 ശതമാനം വളര്ച്ച രേഖപ്പെടുത്തുമെന്ന് ഐക്യരാഷ്ട്രസഭ. വ്യാഴാഴ്ച പുറത്തുവിട്ട ആഗോള സാമ്പത്തിക സാഹചര്യങ്ങളും സാധ്യതകളും (World Economic Situation and Prospects report ) എന്ന റിപ്പോര്ട്ടില് ആണ് ഇക്കാര്യം വ്യക്തമാക്കുന്നത്.
ലോകത്ത് ഏറ്റവും വേഗത്തില് വളരുന്ന രാജ്യങ്ങളില് ഇന്ത്യ മുന്നിരയിലാണെന്ന് യുഎന്നിന്റെ ആഗോള സാമ്പത്തിക നിരീക്ഷണ വിഭാഗത്തിന്റെ തലവന് ഡോണ് ഹോളണ്ട് പറഞ്ഞു.
2019-20 സാമ്പത്തിക വര്ഷത്തില് ഇന്ത്യന് സമ്പദ്വ്യവസ്ഥ 5.7 ശതമാനം വളര്ച്ച രേഖപ്പെടുത്തുമെന്ന് ഐക്യരാഷ്ട്രസഭ പറഞ്ഞു. 2019-20 സാമ്പത്തിക വര്ഷത്തില് ലോകത്തിലേറ്റവും വേഗത്തില് വളരുന്ന സാമ്പത്തിക ശക്തിയെന്ന സ്ഥാനം ചൈനയ്ക്കായിരിക്കും. ആറ് ശതമാനമാകും ചൈനയുടെ വളര്ച്ച. എന്നാല് ഇന്ത്യയില് നടത്തിയിരിക്കുന്ന പരിഷ്കാരങ്ങള് രാജ്യത്തിന്റെ വളര്ച്ചയെ വരും വര്ഷങ്ങളില് ത്വരിതപ്പെടുത്തുമെന്നും ഡോണ് ഹോളണ്ട് വ്യക്തമാക്കി.
Discussion about this post