മോഹന്ലാല്-പ്രിയദര്ശന് സൂപ്പർഹിറ്റ് കൂട്ടുക്കെട്ടില് ഒരുങ്ങുന്ന ബ്രഹ്മാണ്ഡ ചിത്രം ‘മരക്കാര് അറബിക്കടലിന്റെ സിംഹ’ത്തിന്റെ പുതിയ ക്യാരക്ടര് പോസ്റ്റര് പുറത്ത്. ചിത്രത്തിലെ അര്ജുന് സര്ജയുടെ ക്യാരക്ടര് പോസ്റ്റാണ് ഇപ്പോള് പുറത്തുവിട്ടിരിക്കുന്നത്.
ചിത്രത്തില് ‘അനന്തന്’ എന്ന പോരാളിയുടെ വേഷത്തിലാണ് താരം എത്തുന്നത്. നേരത്തേ കീര്ത്തി സുരേഷിന്റെ ക്യാരക്ടര് പോസ്റ്ററും അണിയറപ്രവര്ത്തകര് പുറത്തുവിട്ടിരുന്നു.
മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന് എന്നിവരാണ് ചിത്രത്തിലെ പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നത്. മോഹന്ലാലിന്റെ ചെറുപ്പ കാലം അവതരിപ്പിക്കുന്നത് പ്രണവ് മോഹന്ലാലാണ്.
അര്ജുന് സര്ജയെ കൂടാതെ ബോളിവുഡ് താരം സുനില് ഷെട്ടി, സംവിധായകന് ഫാസില്, സിദ്ദിഖ്, മുകേഷ്, നെടുമുടി വേണു, പ്രഭു, അശോക് സെല്വന് എന്നിങ്ങനെ വമ്പന് താരനിരയാണ് ചിത്രത്തില് അണിനിരക്കുന്നത്. 100 കോടി രൂപ ചെലവില് ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മ്മിച്ചിക്കുന്നത്. മാര്ച്ച് 26ന് ചിത്രം തീയ്യേറ്ററുകളില് എത്തും.
https://www.facebook.com/ActorMohanlal/posts/2715603501828662
Discussion about this post