ഡല്ഹി: ശബരിമലയെ ദേശീയ തീര്ഥാടന കേന്ദ്രമായി പ്രഖ്യാപിക്കില്ലെന്ന് കേന്ദ്രസര്ക്കാര്. ഒരു ആരാധനാലയത്തേയും ദേശീയ തീര്ഥാടന കേന്ദ്രമായി പ്രഖ്യാപിക്കില്ലെന്ന് കേന്ദ്ര ടൂറിസം മന്ത്രി പ്രഹ്ലാദ് സിങ് പട്ടേല് ആണ് ലോക്സഭയെ അറിയിച്ചത്. കോണ്ഗ്രസ് അംഗം കൊടിക്കുന്നില് സുരേഷിന്റെ ചോദ്യത്തിന് മറുപടിയായാണ് അദ്ദേഹത്തിന്റെ പ്രതികരണം.
സ്വദേശ് ദര്ശനുമായി ബന്ധപ്പെട്ട രണ്ടു പദ്ധതികള് ശബരിമലയ്ക്ക് അനുവദിച്ചിട്ടുണ്ടെന്നും പ്രഹ്ലാദ് സിങ് പട്ടേല് അറിയിച്ചു.
ആഴ്ചകള്ക്ക് മുന്പ് ശബരിമലയെ ദേശീയ തീര്ഥാടന കേന്ദ്രമായി പ്രഖ്യാപിക്കുക പ്രയോഗികമല്ലെന്ന് കേന്ദ്രമന്ത്രി വി മുരളീധരനും വ്യക്തമാക്കിയിരുന്നു. ഇന്ത്യയില് ദേശീയ തീര്ഥാടന കേന്ദ്രം ഒന്നുമില്ല. അതിനാല് പുതിയ നിയമ നിര്മാണം വേണ്ടി വരും. ഇത് കേന്ദ്ര സര്ക്കാരിന് വേഗം നടപ്പാക്കാന് കഴിയുന്നതല്ലെന്നും അദ്ദേഹം വിശദീകരിച്ചിരുന്നു.
Discussion about this post