താപ്സി പന്നു മുഖ്യവേഷത്തിലെത്തുന്ന ‘ധപ്പട്’ എന്ന ചിത്രത്തെ പ്രശംസിച്ച് കേന്ദ്രമന്ത്രി സ്മൃതി ഇറാനി രംഗത്ത്. ട്രെയിലര് പങ്കുവച്ചുകൊണ്ടാണ് ചിത്രത്തിന്റെ ആശയത്തോടുള്ള ഐക്യം സ്മൃതി പ്രകടിപ്പിച്ചത്. തനിക്ക് ചിത്രത്തിന്റെ സംവിധായകനോടും ചില അഭിനേതാക്കളോടും അഭിപ്രായവ്യത്യാസമുണ്ടെന്നും എന്നാല് അതൊന്നും പരിഗണിക്കാതെ ചിത്രം കാണുമെന്ന് സ്മൃതി ഇറാനി പറഞ്ഞു.
‘സംവിധായകന്റെ രാഷ്ട്രീയ പ്രത്യയശാസ്ത്രത്തെ ഞാന് പിന്തുണയ്ക്കില്ലായിരിക്കാം, അല്ലെങ്കില് ചില കാര്യങ്ങളില് ചില അഭിനേതാക്കളോട് വിയോജിപ്പുണ്ടായേക്കാം, എന്നാലും ഈ കഥ ഞാന് ഉറപ്പായും കാണും’, സ്മൃതി ഇറാനി പറയുന്നു.
ആളുകള് കുടുംബമായി തന്നെ ധപ്പട് കാണണമെന്നും സ്മൃതി ഇറാനി ആവശ്യപ്പെടുന്നുണ്ട്. സ്ത്രീകളെ തല്ലുന്നത് അത് ഒരുപ്രാവശ്യമാണെങ്കില് പോലും ശരിയായ കാര്യമല്ലെന്നും അവര് കുറിച്ചു.
അനുഭവ് സിന്ഹ സംവിധാനം ചെയ്യുന്ന ചിത്രത്തിന്റെ ട്രെയിലറിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. ഭര്ത്താവ് അടിച്ചു എന്ന ഒറ്റ കാരണം കൊണ്ട് ആ ബന്ധം തന്നെ വേണ്ടെന്ന് വെയ്ക്കാന് തീരുമാനിക്കുന്ന ഒരു പെണ്കുട്ടിയുടെ കഥയാണ് ‘ധപ്പട്’.
Discussion about this post