ബംഗളൂരു: പാകിസ്ഥാന് അനുകൂല മുദ്രാവാക്യം വിളിക്കുന്ന ആളുകളെ സ്പോട്ടില് വെച്ച് തന്നെ വെടിവെച്ചു കൊല്ലണമെന്ന് പ്രധാനമന്ത്രി നരേന്ദ്ര മോദിക്ക് കര്ണാടക മന്ത്രിയുടെ കത്ത്. പാകിസ്ഥാന് അനുകൂല മുദ്രാവാക്യം വിളിച്ചതിന്റെ പേരില് രാജ്യദ്രോഹക്കുറ്റം ചുമത്തി അമൂല്യ ലിയോണ് എന്ന വിദ്യാര്ത്ഥിനിയെ അറസ്റ്റ് ചെയ്തതിന് പിന്നാലെയാണ് കര്ണാടക കൃഷി മന്ത്രി ബിസി പാട്ടീല് പ്രധാന മന്ത്രിക്ക് കത്തെഴുതിയത്. പാകിസ്ഥാന് അനുകൂല മുദ്രാവാക്യം വിളിക്കുന്ന ആളുകളെ സ്പോട്ടില് വെച്ച് തന്നെ വെടിവെച്ചു കൊല്ലണമെന്നും അത്തരമൊരു നിയമം ഇവിടെ നടപ്പിലാക്കേണ്ടതുണ്ടെന്നും മന്ത്രി ബിസി പാട്ടീല് കത്തില് വ്യക്തമാക്കുന്നു.
ബംഗളൂരുവില് എഐഎംഐഎം അധ്യക്ഷന് അസദുദ്ദീന് ഉവൈസി പങ്കെടുത്ത പരിപാടിയിലാണ് വിദ്യാര്ത്ഥിനി പാക് അനുകൂല മുദ്രാവാക്യം വിളിച്ചത്. ഇതേകുറിച്ചുള്ള ചോദ്യത്തിന് മറുപടി പറയവേയായിരുന്നു മന്ത്രിയുടെ പ്രസ്താവന.
‘എന്റെ അഭിപ്രായത്തില് ഇവിടെ ഒരു പുതിയ നിയമത്തിന്റെ ആവശ്യമുണ്ട്. ഷൂട്ട് അറ്റ് സൈറ്റ് ലോ. ഇന്ത്യയെ മോശമാക്കി സംസാരിക്കുന്നവരേയും പാകിസ്ഥാനെ പ്രകീര്ത്തിച്ച് മുദ്രാവാക്യം വിളിക്കുന്നവരേയും കൈകാര്യം ചെയ്യാന് ഉതകുന്നതായിരിക്കണം ഇത്.’- മന്ത്രി പറഞ്ഞു.
Discussion about this post