കണ്ണൂര്: ഒന്നരവയസുകാരനെ കടല് ഭിത്തിയിലെറിഞ്ഞ് കൊലപ്പെടുത്തിയ കേസില് കുഞ്ഞിന്റെ അമ്മയായ പ്രതി ശരണ്യയുടെ കാമുകൻ അറസ്റ്റിൽ. കണ്ണൂര് സിറ്റി സ്റ്റേഷന് പൊലീസ് ആണ് അറസ്റ്റ് ചെയ്തത്. വലിയന്നൂര് സ്വദേശി നിതിന് ആണ് അറസ്റ്റിലായത്. കൊലപാത പ്രേരണക്കുറ്റത്തിനാണ് ഇയാളെ അറസ്റ്റ് ചെയ്തതെന്ന് പോലീസ് പറഞ്ഞു.
കൊലപാതകം നടന്ന് അടുത്ത ദിവസം തന്നെ ശരണ്യയെ പൊലീസ് അറസ്റ്റ് ചെയ്തിരുന്നുവെങ്കിലും ഒരാഴ്ചയ്ക്ക് ശേഷമാണ് കാമുകന്റെ പങ്ക് രപൊലീസിന് തെളിയിക്കാനായത്.
കുഞ്ഞിന്റെ കൊലയുടെ ഉത്തരവാദിത്തം ഭര്ത്താവിന്റെ മേല് സ്ഥാപിക്കാനുമുള്ള നീക്കം ശരണ്യ ഒറ്റയ്ക്കാണ് നടത്തിയതെന്നായിരുന്നു പൊലീസിന്റെ പ്രാഥമിക നിഗമനം. എന്നാല്, പിന്നീട് നടത്തിയ വിശദമായ ചോദ്യം ചെയ്യലില് ആണ് കുഞ്ഞിനെ കൊലപ്പെടുത്താന് കാമുകനായ നിതിന് പ്രേരിപ്പിച്ചെന്ന് ശരണ്യ പൊലീസിന് മൊഴി നല്കിയത്.
തുടർന്ന്, നിതിനെ വിളിച്ചു വരുത്തി ചോദ്യം ചെയ്തതിന്റെ അടിസ്ഥാനത്തിലാണ് കൊലപാതകത്തിന്റെ ഗൂഢാലോചനയില് ഇയാള്ക്കും പങ്കുണ്ടെന്ന് വ്യക്തമായത്. പ്രതിക്കെതിരെ ഗൂഢാലോചനക്കുറ്റമാണ് ചുമത്തിയിരിക്കുന്നത്.
Discussion about this post