കാസര്‍ഗോഡ്: പൗരത്വ ഭേദഗതി നിയമത്തെ അനുകൂലിച്ച് സംസാരിച്ചതിന് തന്നെ അപായപ്പെടുത്താന്‍ ശ്രമിച്ചെന്ന് കാസര്‍ഗോഡ് ചെമ്പരിക്ക ഖാസി ത്വാഖ അഹമ്മദ് മൗലവി. ഒരു ദേശീയ മാധ്യമത്തിനോടാണ് അദ്ദേഹം ഇക്കാര്യം വെളിപ്പെടുത്തിയത്.
രണ്ടാഴ്ച മുന്‍പ് മംഗലാപുരത്തിനടുത്ത് ബെള്ളൂരില്‍ വച്ച് വാഹനാപകടത്തില്‍ അപായപ്പെടുത്താനാണ് നീക്കം നടത്തിയത്. മുന്‍ ഖാസി സി.എം അബ്ദുള്ള മൗലവിയുടെ ദുരൂഹ മരണത്തെ തുടര്‍ന്നാണ് ത്വാഖ അഹമ്മദ് മൗലവിയെ ഖാസിയായി നിയമിച്ചത്.
അഹമ്മദ് മൗലവിയെ കൊലപ്പെടുത്തിയതാണെന്ന് ആരോപിച്ച്‌ ബന്ധുക്കളും നാട്ടുകാരും രംഗത്തെത്തിയിരുന്നു.
ഈ കേസ് സിബിഐ അന്വേഷിക്കുന്നതിനിടെയാണ് പുതിയ ഖാസിയേയും അപായപ്പെടുത്താന്‍ നീക്കം നടന്നിരിക്കുന്നത്. ഒരു പൊതു പരിപാടിയില്‍ പങ്കെടുത്ത് മടങ്ങുമ്പോഴാണ് ചെമ്പരിക്ക ഖാസിയെ അപായപ്പെടുത്താന്‍ ശ്രമം നടന്നത്. മംഗലാപുരം-കാസര്‍ഗോഡ് മേഖലയിലെ ഒട്ടേറെ ആരാധനാലയത്തിന്റെ ചുമതലയുള്ള ഖാസി ത്വാഹ അഹമ്മദ് മൗലവി മുസ്ലീം സമുഹത്തില്‍ പുരോഗമനാശയം പിന്തുടരുന്ന വ്യക്തിയാണ്.
Discussion about this post